بڕی 49 ملیار دینار وەك داهاتی نانەوتی مانگی 3 ڕادەستی بەغدا دەكرێت

ئاڤا نیوز

بەپێی زانیاریی ئاڤا میدیا، داهاتى ناوخۆی مانگی ئاداری هەرێمی كوردستان كۆكراوەتەوە و لەنزیكترین كاتدا پارەكە بە كاش لەڕێگەی لقی هەولێری بانكیی ناوەندی ڕادەستی وەزارەتی دارایی عێراق دەكرێت.

وێنە گەورەكە: ڕادەستکردنی 50%ـی داهاتی نانەوتیی ناوخۆی هەرێمی کوردستان بە بەغدا، یەکێکە لە خاڵەکانی ڕێککەوتنی ئەمساڵ بۆ ناردنی مووچە، لەماوەی ڕابردووشدا بڕی 100 ملیار دینار وەکو داهاتی مانگی یەک و دوو بۆ بەغدا نێردرا.

زانیاریی تایبەت: ئاڤا لە سەرچاوەیەكی وەزارەتی دارایی حكومەتی هەرێمی كوردستانەوە زانیویەتی، بڕی 49 ملیار دینار وەك داهاتی نانەوتی مانگی 3 ڕادەستی وەزارەتی دارایی عێراق دەكرێت.

زانیاریی زیاتر: بڕیارە هەفتەی داهاتووش شاندێکی تەکنیکی وەزارەتی دارایی بچێتە بەغدا بۆ وەڵامدانەوەی هەر پرسیار و تێبینییەک. لەبارەی تەرازووی پێداچوونەوە و ناردنی داهاتی ناوخۆ بۆ بەغدا کە دوو هەنگاو پێش ناردنی مووچەن، ئاڤا زانیویەتی میزان موراجەعە کە داهات و خەرجی وەزارەت و دەستەکان دەگرێتەوە، تەواو بووە و تەنیا یەکخستنی ماوە. داهاتی ناوخۆش کۆکراوەتەوە كە ئەم مانگە نزیكەی 49 ملیار دینارە.