قەدەغەی هاوردەكردنی تەماتە هەڵگیرا

ئاڤا نیوز

بەهۆی بەرزبوونەوەی نرخی تەمامەتە بەشێوەیەکی بەرچاو، وەزارەتی کشتوکاڵی هەرێمی کوردستان بڕیاری قەدەغەی هاوردەکردنی هەڵگرت.

چیرۆكی سەرەكی: چەند ڕۆژێکە لە بازاڕەكانی هەرێمی كوردستاندا نرخی تەماتە بەرزبووەتەوە و لە هەندێک شوێن گەیشتووەتە هەزار و 500 دینار، بەرهەمی ناوخۆش بەشی ژمارەی دانیشتووان ناكات، بۆیە لەمەودوا ڕێگە بە هاوردەکردنی دەدرێت.

لێدوانی فەرمی: هیوا عەلی، گوتەبێژی وەزارەتی كشتوكاڵ بە ئاڤا نیوزی ڕاگەیاند:" بڕیارەكە لەمڕۆوە دەچێتە بواری جێبەجێكردنەوە و ئامانج لێی هەرزانكردنی نرخی تەماتەیە".

باگگراوند: بۆ پاڵپشتی بەرهەمی ناوخۆ، ساڵانە لە كاتی پێگەیشتنی بەرهەمی خۆماڵی، حكومەتی هەرێمی كوردستان قەدەغە لەسەر کۆمەڵێک بەرهەمی کشتوکاڵی وڵاتان دادەنێت.