سوودانی: داوەتنامەی فەرمیمان بۆ ئەحمەد شەرع ناردووە

ئاڤا نیوز

 

محەممەد شیاع سوودانی لە نۆیەمین دیداری سلێمانی ڕایگەیاند، حکومەتی عێراق داوەتنامەی بۆ سەرۆکی سووریا ناردووە سەردانی بەغدا بکات.

 

چیرۆکی سەرەکی: ئەمڕۆ نۆیەمین دیداری سلێمانی لە زانکۆی ئەمریکی سلێمانی، بە بەشداری سەرۆکوەزیران مەسرور بارزانی، نێچیرڤان بارزانی، سەرۆکی هەرێمی کوردستان و محەممەد شیاع سوودانی، سەرۆکوەزیرانی عێراق و باڤڵ تاڵەبانی، سەرۆکی یەکێتیی نیشتمانیی کوردستان و چەندین کەسایەتی لەسەر ئاستی ناوخۆیی و جیهانی دەستپێدەکات و ماوەی دوو ڕۆژ بەردەوام دەبێت. لەم ماوەیەدا حەوت پانێل بەڕێوەدەچن کە زیاتر تەوەرەکانیان تایبەت دەبن بە دۆخی ڕۆژهەڵاتی ناوەڕاست و ئەفریقا و بوژانەوەی ژێرخانی ئابووری و وزەی عێراق و ناوچەکە.

لێدوانی فەرمی: محەممەد شیاع سودانی، سەرۆك وەزیرانی عێراق، لە نۆیەمن دیداری سلێمانی لە زانكۆی ئەمریكی ڕایگەیاند: یاسای نەوت و غاز بووەتە پێویستییەکی گرنگ، هاوکات پەیوەندی نێوان بەغدا و هەولێر چووەتە گفتوگۆی تەکنیکی و یاسایی.

 

ئەوەی پێویستە بیزانیت: بەشێکی دیکە لە وتەکانی محەممەد شیاع سوودانی سەرۆکوەزیرانی عێراق:

- لە ڕابردوودا سیاسەتێكی ئابووری خراپ لە عێراق پەیڕەوكراوە.

- عێراقمان لە ململانێكانی ناوچەكە دوورخستووەتەوە.

- هاوپەیمانیی نێودەوڵەتی لەسەر بنەمای ڕاوێژکاری لە عێراق ئامادەیە.

- بانگهێشتمان ئاراستەی ئەحمەد شەرع كردووە بۆ بەشداریکردن لە کۆبونەوەی لووتکەی عەرەبی لە بەغدا.

- داعش جموجۆڵەكانی زیادیكردووە و چاودێری دەكەین.

- پەیوەندییەكی ستراتیژیمان هەیە لەگەڵ ئەمریكا و  پەرۆشین بۆ بەهێزكردنی.

 

زانیاریی زیاتر: بڕیارە لە مانگی داهاتوو، لوتکەی وڵاتانی عەرەبی لە شاری بەغدا بەڕێوەبچێت. سەبارەت بە بەشداری سەرۆکی سووریا لەو لوتکەیە، سوودانی ڕایگەیاند، بە فەڕمی نامەی بانگهێشتکردنم بۆ ئەحمەد شەرع ناردووە و ئامادەم لە بەغدا پێشوازی لێبکەم.