نەتەوەیەکگرتووەکان: کار بۆ سەرکەوتنی هەڵبژاردنەکان لە عێراق دەکەین

ئاڤا نیوز

نێردەی تایبەتی سکرتێری گشتیی نەتەوەیەکگرتووەکان بۆ عێراق لە نۆیەمین دیداری سلێمانی ڕایگەیاند، هەموومان کاردەکەین بۆ سەرکەوتنی هەڵبژاردنەکان لە عێراق.

 

چیرۆکی سەرەکی: نۆیەمین دیداری سلێمانی بە بەشداریی زیاتر لە 700 بەرپرسی ناوخۆیی و جیهانی لە نێویاندا محەممەد شیاع سوودانی، سەرۆکوەزیرانی عێراق، دەستیپێکرد و ماوەی دوو ڕۆژ بەردەوام دەبێت و چەندین پانێڵ لەخۆدەگرێت.

 

لێدوانی فەرمی: د. محەممەد حەسەن، نێردەی تایبەتی سکرتێری گشتیی نەتەوەیەکگرتووەکان بۆ عێراق ڕایگەیاند، عێراق بەهۆی سەقامگیریی ئاسایشەکەیەوە دەگاتە قۆناغێک تەنانەت پێویستی بە نێردەی نەتەوەیەکگرتووەکان نییە. دەشڵێت، هەموومان کاردەکەین بۆ سەرکەوتنی هەڵبژاردنەکان لە عێراق.

زانیاریی زیاتر: بەشێکی دیکە لە قسەکانی نێردەی تایبەتی سکرتێری گشتیی نەتەوەیەکگرتووەکان: 

 

- سەقامگیریی ناوچەکە پێویستی بە عێراقێکی کارا و کاریگەر هەیە.
- دەوڵەتان و گەلانی ڕۆژهەڵاتی ناوەڕاست بەهۆی ململانێکانەوە ماندووبوون.
- ژنان و کچانمان لە بەشێک لە پێکهاتەکان بەتایبەتی ئێزدییەکان لەلایەن چەکدارە توندڕەوەکان وەک کەنیزەیەک دەفرۆشران؛ ئەمە قبووڵ نەکراوە.