سوودانی لەسەر بانگێشتیی فەرمی ئەردۆغان دەچێتە تورکیا

ئاڤا نیوز

 

سەرۆکوەزیرانی عێراق بانگهێشتنامەیەکی فەرمی لەلایەن سەرۆککۆماری تورکیاوە پێدەگات بۆ بەشداریکردن لە چوارەمین کۆبوونەوەی ئەنجوومەنی باڵای هاوکاریی ستراتیژی.

 

چیرۆکی سەرەکی: ڕۆژی پێنجشەممە 2025-4-17، محەممەد شیاع سوودانی، سەرۆکوەزیرانی عێراق پێشوازی لە ئەنیل بۆرا ئینان، باڵیۆزی تورکیا لە عێراق کرد.

 

ڕاگەیێنراوی فەرمی: بەگوێرەی ڕاگەیێنراوی نووسینگەی سەرۆکوەزیرانی عێراق لە دیدارەکەدا، ئەنیل بۆرا ئینان، باڵیۆزی تورکیا لە عێراق داوەتنامەی فەرمیی ڕەجەب تەیب ئەردۆغان، سەرۆککۆماری تورکیای پێشکەش بە سەرۆکوەزیران کرد و ئەویش بانگهێشتەکەی قبووڵ کرد و ئاماژەی بە پەرۆشی حکومەت کرد بۆ پاراستنی پەیوەندییەکانیان لەگەڵ تورکیا کە لە ئاستە جیاوازەکاندا شاهیدی گەشەکردنە.

 

ئەوەی پێویستە بیزانیت: بڕیارە 8ـی ئایاری ئەمساڵ چوارەمین کۆبوونەوەی ئەنجوومەنی باڵای هاوکاری ستراتیژی لە ئەنقەرەی پایتەختی تورکیا بەڕێوەبچێت.