سەدان خێزانی کەمپەکانی هەرێمی کوردستان دەگەڕێنەوە زێدی خۆیان

ئاڤا نیوز

 

تەنیا لەم هەفتەدا نزیکەی 533 خێزانی ئاوارە لە کەمپەکانی هەرێمی کوردستانەوە گەڕاونەتەوە شوێنەکانی خۆیان.

 

لێدوانی فەرمی: عەلی عەباس جیهانگیر، گوتەبێژی وەزارەتی کۆچ و کۆچبەرانی عێراق ڕایگەیاند: 343 خێزانی ئاوارەی دیکە ئارەزوو دەکەن خۆویستانە لە کەمپەکانی حەسەن شام و خازر لە سنووری پارێزگای هەولێرەوە بگەڕێنەوە پارێزگاکانی خۆیان.

 

ژمارەکان وادەڵێن: ئێستا 71 خێزانی ئاوارە لە کەمپی کەبەرتوو لە پارێزگای دهۆک ناوی خۆیان تۆمار کردووە تاوەکو بگەڕێنەوە شوێنەکانی خۆیان، هەروەها ئامادەکاریش دەکرێت لە چەند کاتژمێری داهاتوودا 119 خێزانی ئاوارە لە کەمپی تازەدێی کەلار کەمپەکە بەجێبهێڵن و بگەڕێنەوە ناوچەکانی خۆیان.