ڕووسیا بۆ ئێران: بەرامبەر ئەمریکا یارمەتیدان دەدەین

ئاڤا نیوز

پرسی دۆخی ناوچەکە و گفتوگۆکانی تاران و واشنتن، بەرپرسانی باڵای ڕووسیا و ئێرانی لەسەر یەک مێز کۆکردەوە.

وێنە گەورەکە: سەرەتای هەفتەی داهاتوو، تاران و واشنتن گەڕێکی نوێی گفتوگۆکانیان دەستپێدەکەنەوە، ڕووسیاش سوورە لەسەر پاڵپشتیکردنی مەرجەکانی تاران لەبەرامبەر داخوازییەکانی ترەمپ بۆ ئەو وڵاتە.

لێدوانە فەرمییەکان: لە کۆنفرانسێکی ڕۆژنامەوانیدا لەگەڵ هاوتا ئێرانییەکەی، سێرگی لاڤرۆڤ، وەزیری دەرەوەی ڕووسیا ڕایگەیاند، ئامادەین یارمەتی ئێران بدەین و ببینە نێوەندگیر لە نێوان ئەمریکا و ئێران و دەتوانین هەر ڕۆڵێک بگێڕین کە لە ڕوانگەی ئێرانەوە سوودی هەبێت و لەلای ئەمریکا قبوڵکراو بێت.

هاوکات، عەباس عێراقچی، وەزیری دەرەوەی ئێران ڕایگەیاند، ئێستا تەنیا بە ناڕاستەوخۆ گفتوگۆ لەگەڵ ئەمریکا دەکەین، چونکە ئەمریکا سزاکانی لەسەر تاران لانەبردووە و زۆرترین فشاری بەسەردا سەپاندووین، بەو جۆرە ناتوانین ڕاستەوخۆ گفتوگۆ لەگەڵ واشنتن بکەین.

ئەوەی پێویستە بیزانیت: تاران دەیەوێت دیدگای ڕووسیا وەک گەورەترین جبەخانەی جیهانی بۆ چەکی ئەتۆم، بباتە سەر مێزی گفتوگۆکانی لەسەر بەرنامە ئەتۆمییەکەی لەگەڵ واشنتن.