لە دیاله 20 کەسی بیانی دەستگیر دەکرێن

ئاڤا نیوز

فەرماندەیی پۆلیس دیاله 20 کەسی بیانییان دەستگیرکردووە، کە بە قاچاغ لە ڕێگەی سنووری پارێزگای دیالەوە هاتوونەتە نێو خاکی عێراق

چیرۆکی سەرەکی: ژمارەیەک هاووڵاتی بیانی کە خەڵكی وڵاتانی ئاسیان و ھەوڵیان دابوو بە شێوەیەکی نایاسایی سنوورە ئیدارییەکانی پارێزگای دیالە ببەزێنن و بەرەو بەغدا بڕۆن، بەڵام دوای چاودێری و کۆکردنەوەی زانیاریی لەلایەن دەزگاکانی هەواڵگری و پۆلیس دەستگیر دەکرێن.

ڕاگەیێنراوی فەرمی: فەرماندەیی پۆلیسی دیاله، ڕایگەیاند:

٠ ڕۆژی هەینی 2025-04-18، مەفرەزە هاوبەشەکانی دەزگای هەواڵگریی نیشتمانی و بەشی پۆلیسی جەلاولە، و بنکەی تەباج و شێخ بابا، 20 هاووڵاتی بیانییان لەهەردوو ڕەگەزی نێر و مێ لەسنووری پاریزگای دیاله دەستگیر كرد.

٠ دەستگیرکراوەکان لەنێو بارهەڵگرێکی ساردکەرەوە خۆیان حەشار دابوو و ھەوڵیان دابوو بە شێوەیەکی نایاسایی لە سنوورە ئیدارییەکانی پارێزگای دیالەوە سنوور ببەزێنن و بگەنە شاری بەغدا.

زانیاریی بەدەستهاتوو: بە پێی زانیارییەکانی ئاڤا، ئەو کەسانە بۆ كاركردن لەڕێی ئێرانەوە بە شێوەی نایاسایی سنوورەکانی پارێزگای دیاله دەبەزێنن و بەرەو بەغدا وپارێزگای بەسڕه دەچن.