وەزارەتی دارایی عێراق دەست بە دابەشکردنی مووچەی مانگی چوار دەکات

ئاڤا نیوز

وەزارەتی دارایی عێراق دەستیکرد بە دابەشکردنی مووچەی فەرمانبەران بۆ مانگی چوار و داوایکرد هەموو وەزارەت و دەستەکان ڕێکارەکانی پارەدارکردن تەواو بکەن.

 

ئەوەی پێویستە بیزانیت: حکومەتی عێراق لە ناوەڕاستی هەموو مانگێکدا دەست بە ڕێکارەکانی دابەشكردنی مووچە دەکات و تا کۆتایی مانگەکە مووچەی هەموو وەزارەتەکان دابەش دەکات، بەگوێرەی ڕێککەوتنی نێوان هەولێر و بەغداش، پێویستە مووچەی فەرمانبەرانی کوردستانیش هەموو مانگێک لەناو خودی مانگەکەدا خەرج بکرێت بەوپێیەش دەبێت تا کۆتایی ئەم مانگە مووچەی فەرمانبەرانی هەرێمی کوردستان ڕەوانە بکرێت.

 

ڕاگەیێنراوی فەرمی: وەزارەتی دارایی عێراق بڵاویکردەوە، ئەمڕۆ یەکشەممە بەڕێوەبەرایەتیی ژمێریاریی وەزارەت دەستیکرد بە پارەدارکردنی مووچەی سەرجەم فەرمانبەرانی دەوڵەت بۆ مانگی چوار، بۆیە داوا لە هەموو فەرمانگە و یەکەکانی سەر بە وەزارەت و پارێزگاکان دەکەن، بریکارەکانیان بنێرن بەمەبەستی تەواوکردنی ڕێکارەکانی پارەدارکردن.

 

زانیاریی زیاتر: وەزارەتی دارایی عێراق داواش لە هەموو وەزارەت و دەستە سەربەخۆکان دەکات پابەندبن بە خشتەی پارەداکردنی مانگانە هاوشێوەی مانگەکانی پێشوو و هەموو ڕێکارە پێویستەکانی دیکەی پارەدارکردن جێبەجێ بکەن.