بەشێک لە هاووڵاتیانی ئەمریکا لە دژی ترەمپ خۆپیشاندان دەکەن

ئاڤا نیوز

 

هەزاران کەس لە سەرانسەری ئەمریکا دژی سیاسەتەکانی دۆناڵد ترەمپ، سەرۆکی  ئەمریکا خۆپیشاندانیان ئەنجامدا.

 

وێنە گەورەکە: ڕۆژی 19-4-2025، هەزاران کەس لە بەردەم کۆشکی سپی لە واشنتن، خۆپیشاندانیان کرد،  ترەمپیان تۆمەتبار کرد بەوەی بە شێوەیەکی تاکڕەوانە حوکمڕانیی دەکات و بەبێ ڕێوشوێنی پێویست بیانییەکان دیپۆرت دەکاتەوە.

 

ئەوەی پێویستە بیزانیت: بەشێک لە ئەمریکییەکان لە دژی سیاسەت و بڕیارەکانی دۆناڵد ترەمپن، بەتایبەتی سیاسەتەکانی سەبارەت بە کۆچبەرە  نایاساییەکان بەوەی هەزاران کۆچبەری دیپۆرتی ولاتەکەیان کردووەتەوە.

 

زانیاریی زیاتر: لە سەرانسەری ئەمریکا زیاتر لە 400 چالاکی دژی سەرۆکی ئەمریکا ئەنجامدران و ڕێکخراوەکان ڕایانگەیاندووە: ئەمریکییەکان بێدەنگ نابن لە بەرامبەر ئەو پێشێلکارییانەی لە ولاتەکەمان.

 

قووڵتر: لەکاتی دەستبەکاربوونی دۆناڵد ترەمپ وەک سەرۆکی ئەمریکا هەزاران فەرمانبەری حکومەتی لە کارەکانیان دوورخستووەتەوە بە بیانووی چاکسازی و گەراندنەوەی داهات، ئەمەش ناڕازەیی خەڵکی لێکەوتووەتەوە.