عێراقچی: ئامانج لە دانوستانەکان دەستەبەرکردنی بەرژەوەندییە نیشتمانییەکانی ئێرانە

ئاڤا نیوز

 

وەزیری دەرەوەی ئێران لەبارەی دانوستانەکانی وڵاتەکەی لەگەڵ ئەمریکا دەڵێت: ئامانجی سەرەکی دانوستانەکان دەستەبەرکردنی بەرژەوەندییە نیشتمانییەکانی وڵات بووە.

 

وێنە گەورەکە: لەدوای بەڕێوەچوونی خولی دووەمی دانوستانەکانی ئێران لەگەڵ ئەمریکا لەسەر پرسی بەدەستهێنانی چەکی ئەتۆم، عەباس عێراقچی، وەزیری دەرەوەی ئێران لەگەڵ دیپلۆماتکارانی ئێرانی لە ڕۆما لە بارەگای تایبەتیان کۆبوونەوە، بەرەوپێشچوونەکانی دانوستانەکانیان تاوتوێی کرد.

 

لێدوانی فەرمی: عەباس عێراقچی، وەزیری دەرەوەی ئێران ڕایگەیاند، ئەو دانوستانانەی کە پێشتر باسمان کردووە بوونیادنەر و ئەرێنی بوون و ئامانجی سەرەکییان دەستەبەرکردنی بەرژەوەندییە نیشتمانییەکانی وڵات بووە.

 

باکگراوند: دوای هەفتەیەک لە بەڕێوەچوونی یەکەم دانوستانی ناڕاستەوخۆی نێوان تاران و واشنتن ڕۆژی شەممە 19-4-2025، گەڕی دووەمی دانوستاندنەکان بۆ ڕێککەوتن لەسەر بەرنامە ئەتۆمییەکەی ئێران لە ڕۆمای پایتەختی ئیتاڵیا بەڕێوەچوو.

 

ئەوەی پێویستە بیزانیت: بڕیارە ڕۆژی چوارشەممە 23-4-2025، شاندە تەکنیکییەکانی  ئەمریکا و ئێران لە عومان کۆببنەوە  و دواتر شاندە دیپلۆماسییەکان کە پێکدێن لە عەباس عێراقچی و ستیف ویتکۆف، ڕۆژی شەممەی داهاتوو هەر لە هەمان وڵات دانوستان بکەنەوە.