ئێران وەک یەکەم وڵات سەرەخۆشی لە ڤاتیکان دەکات

ئاڤا نیوز

 

دوای ئەوەی پاپا فرانسیس پاپای ڤاتیکان کۆچی دوایی کرد، ئێران وەک یەکەم وڵات سەرەخۆشی خۆی ئاڕاستەی ڤاتیکان دەکات.

چی ڕوودەدات: ڕۆژی دووشەممە 21-4-2025، پاپا فڕانسیس، پاپای ڤاتیکان و ڕێبەری کاتۆلیکەکانی جیهان دوای تووشبوونی بە نەخۆشی هەوکردنی سییەکان لە تەمەنی 88 ساڵیدا کۆچی دوایی کرد،  ئێرانیش سەرەخۆشی خۆی ئاڕاستەی ڤاتیکان دەکات.

لێدوانی فەرمی:  ئیسماعیل بەقائی، وتەبێژی وەزارەتی دەرەوەی ئێران لە کۆنگرەیەکی ڕۆژنامەوانیدا ڕایگەیاند: ''سەرەخۆشی خۆمان ئاڕاستەی ڤاتیکان و  هەموو مەسیحییەکانی جیهان دەکەین''.

زانیاریی زیاتر: ئێران سەرەڕای ئەوەی وڵاتێکی زۆرینە موسڵمانە بەڵام ئێران و  دەسەڵاتدارانی وڵاتە پەیوەندییەکی باش و نزیکیان لەگەڵ ڤاتیکان و پاپا هەبووە، هەربۆیەش وەک یەکەم وڵات سەرەخۆشیان لێدەکات.