نەتەوە یەکگرتووەکان هاوکاریی دارایی پێشکەش بە سووریا دەکات

ئاڤا نیوز

نەتەوە یەکگرتووەکان بەنیازە لە ماوەی سێ ساڵدا یەک ملیار و 300 ملیۆن دۆلار هاوکاری پێشکەش بە سووریا بکات.

چیرۆکی سەرەکی: بۆ پاڵپشتیکردنی دووبارە بوونیادنانەوەی ژێرخانی ئابووری و پاڵپشتیکردنی دەستپێشخەری دیجیتاڵی، نەتەوە یەکگرتووەکان بەنیازە لە ماوەی سێ ساڵدا یەک ملیار و 300 ملیۆن دۆلار هاوکاری پێشکەش بە سووریا بکات.

لێدوانی فەرمی: عبدوڵڵا ئەلدەرداری، یاریدەدەری سکێرتێری گشتی نەتەوە یەکگرتووەکان ڕایگەیاند: پلانی هەمەلایەنەی ئێمە بۆ سووریا لە ماوەی سێ ساڵدا دەگاتە یەک ملیار و 300 ملیۆن دۆلار، ئەمەش وەک هاوکارییەکی گشتی جیهانی سەیر دەکرێت، داوای هاوکاری لە وڵاتان دەکەین بۆ ئەوەی پێکەوە یارمەتیدەربین بۆ بوونیادنانەوەی سووریا.

لە لایەکی دیکەوە: تا ئێستا زۆربەی ئەو سزایانەی بەسەر وڵاتەکەدا سەپێنراون هەڵنەگیراون و ئەمریکا و وڵاتانی دیکەی ڕۆژئاوا دەڵێن دەسەڵاتە نوێیەکان هێشتا دەبێت پابەندبوونی خۆیان بە حوکمڕانییەکی ئاشتیانە و گشتگیرەوە نیشان بدەن، سووریاش ئەمە وەک ڕێگر لەبەردەم خۆشگوزاەرانی وڵاتەکە وەسف دەکات.

باکگراوند: بەهۆی شەڕی ناوخۆیی 13 ساڵەی سووریا، وڵاتەکە ڕووبەڕووی چەندین قەیران و کەموکوڕی خزمەتگوزاری بووەتەوە، دواجار لەگەڵ پێکهێنانی حکومەتی نوێ، سەردەمێکی نوێ بۆ وڵاتەکە دەستیپێکرد.