ڤاتیکان: پاپا فرانسیس بەهۆی جەڵتەی مێشک گیانی لەدەست داوە

ئاڤا نیوز

 

ڤاتیکان هۆکاری گیانلەدەستدانی پاپا فرانسیس ئاشکرا دەکات و ڕایدەگەیێنێ، پاپا فرانسیس بەهۆی جەڵتەی مێشک و سستی دڵیەوە گیانی لەدەست داوە.

 

وێنە گەورەکە: ڕۆژی دووشەممە 21-4-2025، پاپا فڕانسیس، پاپای ڤاتیکان و ڕێبەری کاتۆلیکەکانی جیهان، لە تەمەنی 88 ساڵیدا بەهۆی جەڵتەی مێشک و سستی دەمارەکانی دڵیەوە کۆچی دوایی کرد، وڵاتانی جیهانیش سەرەخۆشی خۆیان ئاراستەی ڤاتیکان کرد.

 
بڵاوکراوەی فەرمی: لە بەڵگەنامەی هۆکاری گیانلەدەستدانی پاپا فرانسیس کە لەلایەن ڤاتیکانەوە دەرچووە، واژۆی بەڕێوەبەری تەندروستی، پرۆفیسۆر ئەندریا ئارکانجێلی لەسەرە، ئەوە هاتووە ''پاپای پیرۆز فرانسیس (خۆرخی ماریۆ بێرگۆلیۆ)، لەدایکبووی بوینس ئایرێس لە ئەرجەنتین لە ساڵی 1936، کاتژمێر 7:35 بەیانی لە شوێنی نیشتەجێبوونی لە سانتا مارتا کۆچی دوایی کردووە.''

 

زانیاریی زیاتر: "هۆکارەکانی مردنەکە بریتین لە جەڵتەی مێشک، حاڵەتی بێهۆشی 'غیبووبە' و ڕاوەستانی دەمارەکانی دڵی، ئەمەش بەگوێرەی بەڵگەنامە تەندروستییەکە".