ترەمپ بۆ کەنەدا: کەنەدا بەبێ ئەمریکا بوونی نامێنێت

ئاڤا نیوز

 

دۆناڵد ترەمپ، سەرۆکی ئەمریکا دووبارە هۆشدارییەکی توند بە کەنەدا دەدات کە "بەبێ ئەمریکا، کەنەدا سەروەرییەکەی لاواز دەبێت."

 

چیرۆکی سەرەکی: لەگەڵ گەڕانەوەی بۆ کۆشكی سپی، دۆناڵد ترەمپ خواستی خۆی بۆ لکاندی کەنەدا بە ئەمریکاوە وەک 51ـەمین ویلایەتی ئەمریکا دەربڕیوە و بەردەوام ئەم خواستەی خۆی بە گوێی بەرپرسان و خەڵکی کەنەدا دەدات.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، "کەنەدا وەک وڵاتێک بوونی نامێنێت، ئەگەر ئەمریکا کاڵای لێ نەکڕێت". هاوکات دووپاتیکردەوە کە ئەمریکا پێویستی بە هیچ شتێک نییە لە کەنەداوە، بە ئۆتۆمبێل و نەوتیشەوە.

 

زانیاریی زیاتر: دۆناڵد ترەمپ هەڕەشەی ئەوە دەکات ڕێژەی ئەو 25%  پێناسە گومرگییەی کە پێشتر بەسەر کەنەدا سەپاندبووی بەرزتری دەکاتەوە.