ترەمپ: دوای سەردانەکەم بۆ سعوودیە لەگەڵ پووتین کۆدەبمەوە

 

 

ئاڤا نیوز

دۆناڵد ترەمپ، سەرۆکی ویلایەتە یەکگرتووەکانی ئەمەریکا، دەیەوێت دوای سەردانی بۆ ڕۆژهەڵاتی ناوەڕاست چاوی بە پووتین بکەوێت.

چیرۆکی سەرەکی: بڕیارە لە ناوەڕاستی مانگی پێنجی ئەمساڵ دۆناڵد ترەمپ، سەرۆکی ئەمریکا سەردانێکی فەرمی بۆ ڕۆژهەڵاتی ناوەڕاست بکات و بچێتە هەریەکە لە سعوودیە و ئیمارات و قەتەر و دوای سەردانەکەشی بۆ ئەم وڵاتانە چاوی بە پووتین بکەوێت.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند: ''پێناچێت دیدارەکەم لەگەڵ ڤلادیمێر پووتین لە سعوودیە ئەنجام بدەم، بەڵام دوای سەردانەکەم بۆ سعوودیە لەگەڵ پووتین کۆدەبمەوە.''

لە لایەکی دیکەوە: یوری ئوشاکۆڤ، یاریدەدەری سەرۆککۆماری ڕووسیا پێشتر ڕایگەیاندبوو کە هیچ وادە و شوێنێکی دیاریکراو بۆ کۆبوونەوەی نێوان پووتین و ترەمپ دیاری نەکراوە.