ئۆکراینا سەبارەت بە بەردەوامی جەنگ ڕووسیا تۆمەتبار دەکات

ئاڤا نیوز

 

ڕووسیا هێرشێکی مووشەکی بەرفراوانی کردە سەر کێیڤ، لەبەرامبەر ئەو هەوڵەش وەزیری دەرەوەی ئۆکراینا ڕەخنەی تووند لە کردەوەکانی ڕووسیا دەگرێت و تاوانباری دەکات بەوە کە هۆکاری سەرەکی بەردەوامی جەنگە.

 
چی ڕوودەدات: کاربەدەستانی ئۆکرانیا ئاشکرایان کردووە، ڕووسیا بە فڕۆکەی بێفڕۆکەوان هێرشی کردووەتە سەر کێیڤ، بەهۆیەوە نۆ کەس کوژران و زیاتر لە 70 کەسیش بریندار بوون.

 

لێدوانی فەرمی: ئەندری سیبیها، وەزیری دەرەوەی ئۆکراینا ڕایگەیاند، پووتین لە ڕێگەی کردەوەکانییەوە نیشانی دەدات، کە ڕێز لە هیچ هەوڵێکی ئاشتی ناگرێت و تەنیا دەیەوێت درێژە بە شەڕەکە بدات.

 

زانیاریی زیاتر: سەڕەرای هەوڵەکانی ئەمریکا بۆ  ڕاگەیاندی ئاگربەست لەنێوان ڕووسیا و ئۆکراینا، تاوەکو ئێستا ئاگربەستێکی ماوەی درێژ نەهاتووەتە ئاراوە کە بتوانێت ئەم شەڕە کە ماوەی سێ ساڵە بەردەوامە ڕابگرێت، ترەمپیش سوورە لەسەر ڕاگرتنی ئەم شەڕە.