ڕاگەیێنراوی ئەنجوومەنی دادوەریی هەرێمی کوردستان لەبارەی بڕیارەکانی دادگەی فیدراڵی

ئاڤا نیوز

 

ئەنجوومەنی دادوەریی هەرێمی کوردستان لەبارەی بڕیارەکەی دادگەی فیدراڵیی عێراق بۆ هەڵوەشاندنەوەی کورسیی کۆتاکان ڕایگەیاند، ئەو بڕیارە پێویستی بە پێداچوونەوەیە. 

 

ڕاگەیێنراوی فەرمی: لە ڕاگەیێنراوێکدا عەبدولجەبار عەزیز، سەرۆکی ئەنجوومەنی دادوەری جەختی کردەوە "ناكرێت له‌ژێر هیچ پاساوێک ده‌ستكاری مادده‌ ده‌ستورییه‌كان بكرێت له‌به‌رئه‌وه‌ی ده‌ستوورین و گشت ده‌بێت لایه‌ک پێوه‌ی پابه‌ند بن، له‌نێویشیاندا دادگەی فیدراڵی كه‌ پێویسته‌ پێوه‌ی پابه‌ند بێت و كێشه‌ی بۆ دروست نه‌كات و به‌ بیانووی نابه‌جێ پێشێلی نه‌كات."

 

قووڵتر: له‌سه‌ر ئه‌و بنه‌مایانه‌ش، مافی هه‌رێمی كوردستانه‌ له‌چوارچێوه‌ی ده‌وڵه‌تی عێراق مافه‌ ده‌ستورییه‌كانی خۆی به‌كار بهێنێت، به‌ڵام دادگەی باڵای فیدراڵی زیاده‌ڕۆیی له‌ ده‌سه‌ڵاته‌ یاساییه‌كانی كردووه‌ كه‌ له‌ ده‌ستووردا هاتووه‌ به‌ شێوه‌یه‌ک مافی به‌خۆی داوه‌ كه‌ له‌ هه‌موو گه‌وره ‌و بچووكێكی هه‌رێمی کوردستان ده‌ستوه‌ردان بكات، هه‌روه‌ک بڕیاری هه‌ڵوه‌شاندنه‌وه‌ی یازده‌ كورسیی په‌رله‌مان و كه‌مكردنیان بۆ سه‌د كورسی.
لە ڕاگەیێنراوەکەی ئەنجوومەنی دادوەری وا هاتووە

 

لەلایەکی دیکەوە: ئەنجوومەنی دادوەری دەڵێت: ئەو بابەتە به‌ دوور و نزیک هیچ په‌یوه‌ندییه‌كی به‌ دادگەی فیدراڵیه‌وه‌ نییه‌، وا ده‌خوازێت پێداچوونه‌وه‌ به‌ بڕیاری دادگەكه‌دا بکرێت.