لە سنووری سووریا دەستبەسەر 15 کیلۆگرام ماددەی هۆشبەردا دەگیرێت

ئاڤا نیوز

هێزە ئەمنییەکانی عێراق دەستیان بەسەر 15 کیلۆگرام ماددەی هۆشبەردا گرتووە کە بازرگانانی ماددەی هۆشبەر ویستوویانە لە سووریا و لەڕێگەی رووباری فوڕاتەوە بۆ عێراقی بگوازنەوە.

چیرۆکی سەرەکی: ماوەیەکە بازرگانانی ماددەی هۆشبەر بۆ گواستنەوەی ماددەکانیان ڕێگای ئاوی و بەتایبەت ڕووباری فوڕات بەکاردەهێنن، بەو هۆیەش هێزە ئەمنییەکانی عێراق چاودێریی چڕیان لەسەر سنوورەکانی سووریا داناوە و بەشێوەی هەفتانە دەستبەسەر ماددەی هۆشبەردا دەگرن.

ڕاگەیێنراوی فەرمی: وەزارەتی ناوخۆی عێراق بڵاویکردەوە، لە ناوچەی باغۆزی سنووری عێراق و سووریا دەستیان بەسەر 11 کیلۆگرام حەبی کەپتاگۆن و چوار کیلۆگرام ماددەی حەشیشدا گرتووە، ماددەکانیش لەناو دەبەی پلاستیکیدا بەشێوەی توندوتۆڵ پێچراونەتەوە، بۆ ئەوەی لە ڕێگەی رووباری فوڕاتەوە لە سووریا بۆ عێراق بگوازرێنەوە.