قاقێ لە هەولێر دەستگیر کرا؛ کێ بوو و چی کردووە؟

ئاڤا نیوز

بەڕێوەبەرایەتی پۆلیسی هەولێر ئەو تۆمەتبارەی دەستگیرکرد، کە ماوەیەکە لە هەولێر ژمارەیەک ماتۆڕسکیلی دزیوە، چەکیشی لابووە بۆ ئەوەی ئەگەر ڕووبەڕووی پۆلیس یان خاوەنی ماتۆڕسکیلەکان بووەوە تەقە بکات.

چیرۆکی سەرەکی: دوای ئەوەی چەندین سکاڵا لە نووسینگەکانی نەهێشتنی تاوان تۆمار کران، پۆلیسی هەولێر توانیویانە تۆمەتبارێک بەناوی (أ، م، ح) دەستگیربکەن، کە تۆمەتبار بوو بە چەندین تاوانی دزینی ماتۆڕسکیل و هەروەها بەکارهێنانی ماددەی هۆشبەر و تەقەکردن.

ڕاگەێینراوی فەرمی: بەڕێوەبەرایەتی پۆلیسی هەولێر لە ڕاگەیێنراوێکدا دەڵێت، "ئەو کەسە خۆی بە قاقێ ناساندبوو، لەکاتی دەستگیرکردنیدا چەکی بێ مۆڵەتی لابوو ، ئەو چەکەشی بۆیە لابووە تا هەرکاتێک لەگەڵ خاوەن ماڵ یاخود پۆلیس تووشی یەک ببن ڕووبەڕوویان ببێتەوە، بەڵام توانرا دەستگیر بکرێت و ڕادەستی یاسا کرا."