بەرپرسێکی ئیسرائیل: نەتانیاهۆ وادەی کۆتاییهاتنی جەنگی غەززەی دیاریکردووە

ئاڤا نیوز

بەرپرسێکی ئیسرائیل ئاشکرایکردووە، ئەگەر مەرج و ئامانجەکانیان بهێننە دی لە کۆتایی ئەمساڵ کۆتایی بە جەنگی غەززە دەهێنن.

وێنە گەورەکە: ئیسرائیل بەردەوامە لە ڕەتکردنەوەی پێشنیازەکانی ئاگربەست کە ڕێگە بە حەماس دەدات بوونی چەکدارانی لە غەززە بپارێزێت.

لێدوانی فەرمی: بەرپرسێکی باڵای ئەمنی ئیسرائیل کە نەیویستووە ناوەکەی ئاشکرابکرێت بە ڕۆژنامەی ئیسرائیل هیومی ڕاگەیاندووە، بنیامین ناتانیاهۆ، سەرۆکوەزیرانی ئیسرائیل نەخشەی کۆتایی شەڕی غەززەی تا مانگی 10 دادەڕێژێت. ئەگەر مەرج و ئامانجەکانیان بێنەدی هەڵمەتە سەربازییەکان زووتر کۆتاییان پێدێت، لە بنەڕەتدا دەیانەوێت ناکۆکییەکان دوو ساڵ زیاتر درێژ نەبێتەوە.

لەلایەکی دیکەوە: بەرپرسێکی دیپلۆماسی ئیسرائیلی بە ڕۆژنامەنووسانی وڵاتەکەی ڕاگەیاندووە، هۆکاری ئەوەی دوای کۆتاییهاتنی ئاگربەست هەڵمەتێکی چڕیان دەستپێنەکردووە. بۆ ئەوە دەگەڕێتەوە دەیانەوێت دەرفەتێک بدەن بە دانوستانەکان بۆ ئەوەی بارمتەکان ئازادبکرێن.