ترەمپ: ناچارم ئەمریکا و هەموو جیهان بەڕێوەببەم

ئاڤا نیوز 

 

سەرۆکی ویلایەتە یەکگرتووەکانی ئەمریکا ڕایگەیاند، هەردوو خولی سەرۆکایەتییەکی جیاوازییەکی بەرچاویان هەیە و ئێستا هەموو جیهانیش بەڕێوەدەبات.

وێنە گەورەکە: لە چاوپێکەوتنێکیدا دۆناڵد ترەمپ، سەرۆکی ویلاتە یەکگرتووەکانی ئەمریکا دەڵێت، لەم خولەی سەرۆکایەتییەکەی هەموو جیهان بەڕێوەدەبات، ئەمەش دوای ئەوەی ترەمپ ڕووبەڕووی ڕەخنەیەکی زۆری وڵاتان بووەتەوە، بەهۆی سیاسەتەکانی ئێستای لە بارەی کۆچبەران و سەپاندنی پێناسی گومرگی و چەندین سیاسەتی دیکە.

لێدوانی فەرمی: دۆناڵد ترەمپ، سەرۆکی ئەمریکا لە گۆڤاری ئەتلەنتیک ڕایگەیاند: ''خولی دووەمی سەرۆکایەتییەکەم زۆر جیاوازە لەگەڵ یەکەم خولی سەرۆکایەتییەکەم چونکە لە ئێستادا ناچارم نەک تەنیا ئەمریکا بەڕێوەببەم بەڵکو هەموو جیهان بەڕێوەدەبەم''.

زانیاریی زیاتر: سەبارەت بە خۆ کاندیدکردنی بۆ خولی سێیەم ترەمپ گوتی، ئەوە شتێک نییە کە زۆر تامەزرۆی بم لەهەمان کاتیشدا ئەوە کارێکی ئاسان نابێت، کە بۆ سێ خول خۆم کاندید بکەم بۆ سەرۆکی ئەمریکا.

ئەوەی پێویستە بیزانیت: لە سەرەتایی دەستبەکاربوونی دۆناڵد ترەمپ لە مانگی یەکی ئەمساڵدا چەندین بڕیاری جێبەجێکردنی واژۆ کردووە و ناڕەزایەتیی زۆری بەدوای خۆیدا هێنا لە دەرەوە و ناوەوەی وڵاتدا، هاوکات پەیوەندییەکانی لەگەڵ زۆرێک لە وڵاتان بەرەو خراپی دەڕوات بەتایبەت دوای سەپاندنی پێناسی گومرگی .