عێراق دەرمانی چارەسەرکردنی نەخۆشیی شەکرە بەرهەم دەهێنێت

ئاڤا نیوز

کۆمپانیای گشتی بۆ پیشەسازی دەرمان و پێداویستی پزیشکی لە سامەرا، بەرهەمهێنانی یەکەم ئامادەکراوی دەرمانی بۆ چارەسەری نەخۆشانی شەکرەی ڕاگەیاند.

بۆچی گرنگە: نەخۆشی شەکرە یەکێکە لە باوترین نەخۆشییەکان لە زۆربەی وڵاتان، بۆیە بەرهەمهێنانی دەرمانەکانی بەتایبەتی گرنگە بۆ دابینکردنی چارەسەری بەردەوام و هەرزان بۆ ژمارەیەکی زۆر لە نەخۆشان.

لێدوانی فەرمی: محەممەد عەبدولقادر نعێمی، بەڕێوبەری کۆمپانیای گشتی بۆ پیشەسازی دەرمان بە ئاژانسی هەواڵی عێراقی ڕاگەیاند: "کۆمپانیاکە بۆ یەکەم جار سەرکەوتوو بوو لە بەرهەمهێنانی حەبی "گلیمی-م" (GLIMEE-M) تایبەت بە چارەسەری نەخۆشی شەکرە لە جۆری دووەم بە هاوکاری لەگەڵ کۆمپانیای بەرهەمهێنەری ئەڕز ڕیم، ئەمەش هەنگاوێکی زانستی و پیشەسازی پێشکەوتووە لەم بوارەدا.

- ستافی کۆمپانیاکە توانییان 250 هەزار حەب لە ئامادەکراوە نوێیەکە بەرهەمبهێنن کە کاریگەری گەورەی لە کەمکردنەوەی ڕێژەی شەکر لە خوێندا سەلماندووە. بەرهەمهێنانی ئامادەکراوە نوێیەکە بەرهەمی هەوڵی توێژینەوە و جێبەجێکردنی بەرچاوی ستافی کۆمپانیاکەیە لە بەشەکانی توێژینەوە و پەرەپێدان و کۆنترۆڵی جۆری و بەشی حەبەکان.