ژمارەیەک تاوانباری مەترسیدار لەبەغدا دەستگیر دەکرێن

ئاڤا نیوز

فەرماندەیی ئۆپەراسیۆنەکانی بەغدا دەستگیرکردنی ژمارەیەک تۆمەتباری بە بازرگانی مرۆڤ و بازرگانیکردن و بەکارهێنانی ماددەی هۆشبەر ڕاگەیاند.

ڕاگەیێنراوی فەرمی: لە بەیاننامەیەکدا فەرماندەیی ئۆپەراسیۆنەکانی بەغدا ڕایگەیاند: ئەمڕۆ سێشەممە 29-4-2025، هیزێکی هاوبەش لە پۆلیسی فیدراڵی و دەزگای هەواڵگری، ژمارەیەک تۆمەتباریان لەبەغدا دەستگیرکرد.

زانیاریی زیاتر: بەیاننامەکە ئاماژەی بەوەکرد، دوو باندی بازرگانیکردن بە مرۆڤ و بازرگانیکردن و بەکارهێنانی ماددەی هۆشبەر، لەنێویاندا چەند ژنێکی تێدابوو دەستگیرکران، هاوکات چەندین تاوانباری دیکەش بە تۆمەتی هەڕەشە، ناکۆکی عەشایەری و هەڵگرتنی چەک و تەقەمەنی و کەرەستەی دیکەی بێ مۆڵەت لە ناوچەکانی سەیدییە، دۆرە و نەهرەوان  دەستگیرکران.

ئەمەش بزانە: بەپێی یاسای ساڵی 2012 ـی عێراق تایبەت بە بەرەنگاربوونەوەی بازرگانیکردن بە مرۆڤەوە، سزاکان بە زیندانیکردنی 15 ساڵ بەسەر ئەو کەسانەی تاوانی بازرگانی  بە مرۆڤەوە دەکەن.