سەڕەڕای گرژییەکانی نێوانیان ترەمپ پیرۆزبایی لە سەرۆکوەزیرانی کەنەدا دەکات

ئاڤا نیوز

 

دوای سەرکەوتنی پارتی لیبڕاڵەکانی کەنەدا لە هەڵبژاردنی گشتی کەنەدا، سەرۆکی ئەمریکا پیرۆزبایی سەرکەوتن لە هەڵبژاردنەکان لە سەرۆکوەزیرانی نوێی ئەو وڵاتە دەکات.

 

وێنە گەورەکە: پارتی لیبڕاڵەکانی کەنەدا بەسەرۆکایەتیی مارک کارنی، سەرۆکوەزیرانی کەنەدا لەهەڵبژاردنەکانی پەرلەمانی وڵاتەکەدا توانیان زیاتر لە 42% دەنگەکان بەدەستبهێنن و سەرکەوتن مسۆگەر بکەن. 

 

زانیاریی بەدەستهاتوو: دۆناڵد ترەمپ، سەرۆکی ئەمریکا لە پەیوەندییەکی تەلەفۆنیدا پیرۆزبایی لە مارک کارنی و پارتی لیبڕاڵەکان کرد بەبۆنەی سەرکەوتنیان لە هەڵبژداردنەکاندا، هاوکات لە ئایندەیەکی نزیکدا هەردووک سەرۆک دیدارێک ئەنجام دەدەن، هەوڵەکانیان دەخنەگەڕ بۆ ئەوەی بچنە ناو گفتوگۆکانەوە سەبارەت بە پەیوەندییەکی نوێی ئابووری و ئاسایش و ئەمنییەوە. 

 

باکگراوند: بەهۆی سەپاندنی گومرگی زیادە لەلایەن ئەمریکاوە پەیوەندییەکانی نێوان ئەو وڵاتە و کەنەدا بە تەواوی تێکچووە و بەتایبەت دوای زیادبوونی هەڕەشەکان ترەمپ بۆ بەرزکردنەوەی ڕێژەی باج بۆ 25%، کەنەدا نیگەرانە لە هەوڵەکانی ئیدارەی ترەمپ بۆ دەستگرتن بەسەر وڵاتەکەیان و لکاندنی بە ئەمریکاوە.