ترەمپ: سەرۆکوەزیرانی کەنەدا پیاوێکی بەڕێزە و هەفتەی داهاتوو دێتە کۆشکی سپی

ئاڤا نیوز

 

سەرۆکی ئەمریکا بە تەلەفۆن پیرۆزبایی لە مارک کارنی سەرۆکوەزیرانی کەنەدا کرد بەبۆنەی سەرکەوتنیان لە هەڵبژاردنەکانی ئەو وڵاتە. هاوکات وادەی دیدارێكیان دیاری کرد تاوەکو لەگەڵ یەکدی کۆببنەوە.

 

وێنە گەورەکە: بەهۆی پێناسە گومرگییەکان و خواستی ترەمپ بۆ لکاندنی کەنەدا بە ئەمریکاوە، گرژی و ئاڵۆزییەکانی نێوان ئەمریکا و کەنەدا زیادی کرد، دواجار دوای بەڕێوەچوونی هەڵبژاردنەکانی کەنەدا بەسەرکەوتنی پارتی لیبڕاڵەکان کۆتاییهات و سەرۆکی ئەمریکاش پیرۆزبایی سەرکەوتنەکەی کرد و ترەمپ سەرۆکوەزیرانی کەنەدا بە "پیاوێکی بەڕێز" ناو دەبات.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، مارک کارنی سەرۆکوەزیرانی کەنەدا تەلەفۆنی بۆ کردم و پێی وتم با لە کۆشکی سپی کۆببینەوە و ڕێککەوتنێک بکەین و بڕیارە هەفتەی داهاتوو سەردانی کۆشکی سپی بکات.

 

ئەمەش بزانە: تا ئێستا نووسینگەی سەرۆکوەزیرانی کەنەدا هیچ لێدوانێکی لەسەر کاتی سەردانەکەی بۆ کۆشکی سپی نەداوە.