ئەمریکا و ئۆکراینا ڕێککەوتنی کانزاکان واژۆ دەکەن

ئاڤا نیوز

 

ئەمریکا دوای چەند مانگێک لە دانوستاندنە ئاڵۆزەکان، ڕێککەوتنێکی لەگەڵ ئۆکراینا سەبارەت بە هاوبەشی وزە و سەرچاوە کانزاکانی واژۆ کرد.

 

وێنە گەورەکە: ئیدارەی ترەمپ ماوەی چەند هەفتەیەکە لەگەڵ کیێڤ کار دەکات بۆ گەیشتن بە ڕێککەوتنێک کە ڕێگە بە ئەمریکا دەدات دەستی بگات بە کانزا و سامانە سروشتییە دەگمەنەکانی ئۆکراینا، ئەم ڕێککەوتنە لە کاتێکدایە کە هەردوو سەرۆکی ئەمریکا و ئۆکراینا لە ڕۆما لە پرسەی پاپا فرانسیس کۆبوونەوە و "پرسی گرنگیان" تاتوێێ کرد.

 

لێدوانی فەرمی: سکۆت بێسنت، وەزیری گەنجینەی ئەمریکا ڕایگەیاند، "لەگەڵ کیێڤ ڕێککەوتنی کانزاکانیان واژۆ کرد". ئەو دەشڵێت، "هەردوولا پابەندن بە ئاشتی و خۆشگوزەرانی بەردەوام لە ئۆکراینا. بۆ کیێڤ، ئەو ڕێککەوتنە وەک پێویست سەیر دەکرێت بۆ دەستڕاگەیشتن بە یارمەتییە سەربازییەکانی ئەمریکا".

 

ئەوەی پێویستە بیزانیت: ترەمپ دەیەوێت وەک قەرەبووکردنەوەی ئەو هاوکارییانەی کە لەلایەن جۆ بایدن سەرۆکی پێش خۆیەوە پێشکەشی ئۆکراینا کراوە، بتوانێت سوود لە کانزا دەگمەنەکانی ئۆکراینا ببینێت.

 

باکگراوند: واژۆکردنی ئەم ڕێککەوتنە لە کاتێکدایە، کە مانگی دووی ئەمساڵ ڤۆلۆدیمێر زێلێنسکی، سەرۆکی ئۆکراینا لە کۆشكی سپی لەگەڵ ترەمپ کۆبوویەوە، هەر لەوێ لەسەر چەند پرسێک لەوانە شەڕی ئۆکراینا و ڕێککەوتنی کانزاکان بووە دەمەقاڵێیان.