کامالا هاریس ڕەخنە لە سیاسەتەکانی ترەمپ دەگرێت

ئاڤا نیوز

 

کامالا هاریس، کاندیدی پێشوو بۆ پۆستی سەرۆک و جێگری پێشووی سەرۆکی ئەمریکا لە دوای بەجێهێشتنی ئۆفیسەکەی، جارێکی دیکە ڕەخنە لە سیاسەتەکانی دۆناڵد ترەمپ دەگرێت.

 

وێنە گەورەکە: کامالا هاریس، کاندیدی دیموکراتەکان بوو بۆ پۆستی سەرۆکایەتیی ئەمریکا و شانبەشانی دۆناڵد ترەمپ هەوڵی بەدەستهێنانی کورسی سەرۆکایەتیی ئەمریکای دەدا، بەڵام دواجار ترەمپ وەک کاندیدی کۆمارییەکان لە هەڵبژاردنەکاندا سەرکەوتنی بەدەستهێنا. ئێستا لەدوایین دەرکەوتنی لە گردبوونەوەیەکی جەماوەری ئەو هەلە دەقۆزێتەوە و ڕەخنە لە ترەمپ دەگرێت.

 

لێدوانی فەرمی: کامالا هاریس، جێگری پێشووی سەرۆکی ئەمریکا داوا لە ئەمریکییەکان دەکات دژ بە ترەمپ بووەستن و ڕایگەیاند، ئەوەی ئێمە لەم سێ مانگەدا بینیمان، گەورەترین قەیرانی ئابووریی دروستکراوی مرۆڤە لە مێژووی سەرۆکایەتیی مۆدێرندا.

 

زانیاریی زیاتر: سەرچاوەکان دەڵێن هاریس، وەک کاندیدێکی بەهێز بۆ پارێزگاری ویلایەتی کالیفۆرنیا لە ساڵی داهاتوودا سەیر دەکرێت، ئەگەر خۆی کاندید بکات، دەکرێت جارێکی دیکە ببێتە پاڵێوراو بۆ پۆستی سەرۆکایەتیی ئەمریکا.

 

ئەمەش بزانە: ترەمپ لەگەڵ گەڕانەوەی بۆ کۆشكی سپی، لایەنی ئابووری و بازرگانی جیهان ڕووبەڕووی زەبرێکی گەورە بوویەوە ئەمەش بەهۆی پێناسە گومرگییەکانی ترەمپ.