عێراق چەند ڕێککەوتنێک لە گەڵ کۆمپانیای سیمێنسی ئەڵمانی واژۆ دەکات

ئاڤا نیوز

سەرۆکوەزیرانی عێراق، سەرپەرشتی ڕێوڕەسمی واژۆکردنی ڕێککەوتنێکی هاوکاری وزە و دوو گرێبەستی نۆژەنکردنەوەی لەگەڵ کۆمپانیای سیمێنس ئینێرجیی ئەڵمانی کرد.

ڕاگەیێنراوی فەرمی: نووسینگەی سەرۆکوەزیرانی عێراق ڕایگەیاند: ئەمڕۆ پێنجشەممە 1-5-2025، محەممەد شیاع سوودانی، سەرۆکوەزیرانی عێراق سەرپەرشتی ڕێوڕەسمی واژۆکردنی ڕێککەوتننامەی هاوکاری وزە و گرێبەستی نۆژەنکردنەوەی هەردوو  وێستگەی کارەبای دوبزی غازی و وێستگەی کارەبای هەڵمی موسەییەبی، لە نێوان وەزارەتی کارەبا و کۆمپانیای سیمێنس ئینێرجی ئەڵمانی کرد.

- ئامانجی ڕێککەوتنی هاوکاری وزە لەگەڵ کۆمپانیای سیمێنس ئینێرجی ئەڵمانی، زیادکردنی 14 هەزار مێگاواتە بۆ تۆڕی کارەبای نیشتمانی.

- گرێبەستی نۆژەنکردنەوەی وێستگەی کارەبای دوبزی غازی کە دوو یەکەی بەرهەمهێنان لەخۆدەگرێت و توانای بەرهەمهێمانی 340 مێگاواتیان هەیە، وێستگەی کارەبای موسەییەبی هەڵمیش، توانای بەرهەمهێنانی 750 مێگاواتی هەیە کە هۆکارە بۆ بەرزکردنەوەی ئاستی بەرهەمهێنانی کارەبا لەو دوو وێستگەیەدا.