بە وێنە؛ کیم جۆنگ ئون تانک لێدەخوڕێت

ئاڤا نیوز

 

کیم جۆنگ ئون سەرپەرشتیی یەکەیەکی مەشقی سەربازیی وڵاتەکەی کرد و جۆرێکی نوێی تانکی جەنگی لێخوڕی.

 

چیرۆکی سەرەکی: تاقیکردنەوەی تانکە نوێیەکانی کۆریای باکوور لەکاتێکدایە کۆریای باشوور و ئەمریکا دوایین مەشقی سەربازیی ساڵانە دەکەن؛ کۆریای باکوور دەمێکە دژی ئەم مەشقانەیە و بە "مەشقی داگیرکاری" ناوی بردووە.

 

لێدوانی فەرمی: میدیای کۆریای باکوور ڕایگەیاند: "سەرۆک جۆنگ پاش ئەوەی وردبینی بۆ تیمی تانکەکان کردووە، خۆی تانکێکی لێخوڕیوە. خۆشحاڵی زۆریشی دەربڕیوە کە ئەو جۆرە تانکە نوێیە توانای هێرشی نایابی خۆی بە سەرکەوتوویی پیشانداوە".

 

بۆچوونی لایەنی بەرانبەر: وەزیری بەرگریی کۆریای باشوور بە سوپاکەی ڕاگەیاند: "ئەگەر کیم جۆنگ ئون هێرش بکات،  دەبێت ئێوە ببن بە بەهێزترین یەکەی تایبەتی جەنگ لە جیهاندا کە بەخێرایی کۆتایی بە سەرکردایەتیی دوژمن بهێنن".