لە سلێمانی شیشێک لە سکی کرێکارێک دەردەهێنرێت

ئاڤا نیوز

بەڕێوەبەرایەتیی گشتیی تەندروستی سلێمانی ڕزگارکردنی کرێکارێکی ڕاگەیاند کە شیش بە سکیدا چووبوو.

چیرۆکی سەرەکی: ئەمڕۆ کرێکارێکی تەمەن 44 ساڵ لە سلێمانی، لە کاتی کارکردندا لە بینایەک دەکەوێتە خوارەوە، بەوهۆیەشەوە شیش دەچێت بە سکیدا.

بڵاوکراوەی فەرمی: بەڕێوەبەرایەتیی گشتیی تەندروستی سلێمانی ڕایگەیاند: شیش چووبوو بە سکی کرێکارێکدا و لە سنگییەوە هاتبووە دەرەوە، بەهەوڵی پزیشکەکان و ستافی نەخۆشخانەی شار توانرا ژیانی ڕزگار بکرێت.

- لە ڕێگەی نەشتەرگەرییەوە توانرا شیشەکە لە سکی کرێکارەکە دەربهێنرێت، دوای چارەسەری پێویست ئێستا لەژێر چاودێری پزیشکیدایە.