وەزیری دارایی داعش دەستگیر دەکرێت

ئاڤا نیوز

 

هێزەکانی سووریای دیموکرات (هەسەدە) ڕایگەیاند، هێزەکانیان بەهاوکاریی هاوپەیمانان، وەزیری دارایی داعشیان لە ڕۆژهەڵاتی دێرەزوور دەستگیرکرد.

 

ئەوەی پێویستە بیزانیت: هاوپەیمانیی نێودەوڵەتی هاوکارییەکانی بۆ هەسەدە دژی داعش بەردەوامە، ڕۆژی هەینیش پێکەوە گەورەترین مانۆڕی سەربازیی هاوبەشیان لە ڕۆژهەڵاتی سووریا ئەنجام دا.

 

ڕاگەیێنراوی فەرمی: هەسەدە لە ڕاگەیێنراوێکدا باسی لەوەكردووە، دوای چاودێریکردنی جوڵەکانی، ڕۆژی هەینیی بەهاوکاریی هاوپەیمانان "حەمود عەبدوڵڵا خەتیب ناسراو بە ئەبو زەکەریا" ئەمیری کاروباری دارایی داعش لە دەوروبەری ڕۆژهەڵاتی دێرەزوور دەستگیرکرا.

 

ئەمەش بزانە: ئەبو زەکەریا بەپاساوی کۆکردنەوەی زەکات هەڕەشەی لە هاووڵاتیان کردووە و ناچاری کردوون پارە بە ڕێکخراوەکە بدەن، هاوکات لەگەڵ دەستگیرکردنی ئەو سەرکردەیەی داعش بڕێکی زۆر چەک و کەرەستەی سەربازییش دەستیان بەسەردا گیراوە.