حەجخوازان دەتوانن دەرمان و پێداویستیی پزیشکی لەگەڵ خۆیان ببەنە سعودییە؟

ئاڤا نیوز

 

چەند وڵاتێک بردنی هەندیک جۆری حەب و دەرمان لە حاجیەکانیان قەدەغە دەکەن و ئاڤا میدیا بەدواداچوونی بۆ ئەو پرسە دەکات لەنێو حاجیانی کوردستاندا.

 

وێنە گەورەکە: بۆ فەریزەی حەجی ئەمساڵ پێنج هەزار و 190 حاجی لەڕیگەی ئاسمانی و وشکانییەوە گەشتی سعودییە دەکەن، حەج و عومرەی هەرێمی کوردستان لەڕێگەی وەزارەتی تەندروستییەوە تەواوی حاجیان ڤاکسین دەکات و حكومەت بە بڕی چوار ملیار و 200 ملیۆن دینار پاڵپشتیی حەجی ئەمساڵ دەکات.

 

لێدوانی فەرمی: کاروان ستوونی، بەڕێوەبەری ڕاگەیاندنی حەج و عومرەی هەرێمی کوردستان بە ئاڤای ڕاگەیاند: تەواوی حاجیان پشکنینی تەندروستییان بۆ دەکرێت و جۆری نەخۆشییەکانیشیان دەستنیشان دەکەین، واتە هەر حاجیەک نەخۆشیەکی هەبێت، ئەوا بەپێی نەخۆشییەکەی دەتوانێت حەب و دەرمانەکانی لەگەل خۆی ببات و سوودیان لێوەرگرێت.

 

ئەوەی پێویستە بیزانیت: ئەو حاجیانەی نەخۆشیان هەیە و پێویستە ڕۆژانە حەب و دەرمانەکانیان لە کاتی خۆیدا بەکار بهێنن، بەبێ هیچ دوودڵیەک دەتوانن حەب و دەرمانەکانیان لەگەڵ خۆیان ببەن بۆ سعودییە و ڕێگرییان لێ ناکرێت، لە دەرەوەی پشکنینەکان، هیچ حاجییە ناتوانێت حەب و دەرمان لەگەڵ خۆی ببات. 

 

ئەمەش بزانە: حاجیان دەتوانن لە فڕۆکەخانە دۆلار بەپێی نرخی دیاریکراو بۆ گەشتیاران وەربگرن، کە بۆ هەر 100 دۆلاریک، 132 هەزار دینارە