ترەمپ پێداچوونەوە بە شوێنگرەی واڵتز دەکات

ئاڤا نیوز 

دوای ئەوەی پۆستی ڕاوێژکاری ئاسایشی نیشتمانی لە مایک واڵتز وەرگیرا، سەرۆکی ئەمریکا پێداچوون و خوێندنەوە بۆ دەستنیشانکردنی کەسێکی نوێ بۆ ئەو پۆستە دەکات.

 

وێنە گەورەکە: لە 01-05-2025، دۆناڵد ترەمپ سەرۆکی ئەمریکا, مایک واڵتز لە پۆستی ڕاوێژکاری ئاسایشی نیشتمانی ئەمریکا بۆ باڵیۆزی ئەمریکا لە نەتەوە یەکگرتووەکان گواستەوە، ئێستا ئیدارەی ئەمریکا پێویستە کەسێکی نوێ بۆ ئەو پۆستە دەستنیشان بکات.

 

لێدوانی فەرمی: دۆناڵد ترەمپ، سەرۆکی ئەمریکا لەبارەی مایک واڵتز، پرسیاری لێکرا لەوەڵامدا وتی، ''من متمانەی ئەوم لەدەست نەداوە، بەڵکو شوێنی ئەوم بەرزکردووەتەوە، ئەو دەچێتە نەتەوە یەکگرتووەکان ئەو کارەی لەوەی دیکە باشترە''.

 

زانیاریی بەدەستهاتوو: ''ترەمپ لە وەڵامی پرسیارێکی ڕۆژنامەنووساندا وتی ''پێشبینی دەکات لە ماوەی شەش مانگدا جێگرەوەی واڵتز ئەگەرە ستیڤن میلەر، جێگری سەرۆکی ئەرکانی کۆشکی سپی بۆ ئەو پۆستە کاندید دەکات''.

 

باکگراوند: ستیڤن میلەر، تەمەن 39 ساڵە و جێگری سەرۆکی ئەرکانی سوپای ئەمریکایە و یەکێکە لە یاریدەدەرەکانی ترەمپ و متمانەپێکراوترین یاریدەدەرە.