شوێنێک بۆ پشوودانی حاجییانی عێراق لە سعوودیە دروست دەکرێت

 

ئاڤا نیوز

دەستەی باڵای حەج و عومرەی عێراق دروستکردنی شوێنێک لە ناوچەی "حائل"ـی سعوودیە بۆ پشوودانی حاجییانی عێراق ڕادەگەیێنێت، بۆ ئەوانەی لە ڕێگەی وشکانییەوە سەردانی ئەو وڵاتە دەکەن، هاوکات ئینتەرنێتی خۆڕاییشیان بۆ دابین دەکرێت.

وێنە گەورەکە: ساڵانە بۆ بەجێگەیاندنی فەریزەی حەج بە دەیان هەزار حەجخواز لە وڵاتانەوە ڕوو لە سعوودیە و بە دیاریکراویش شاری مەککەو شوێنە پیرۆزەکانی ئەو شارە دەکەن، لە هەرێمی کوردستان و عێراقیشەوە جیا لە ڕێگەی ئاسمانی، هەزاران کەس لە ڕێگەی وشکانییەوە گەشت دەکەن.

چیرۆکی سەرەکی: شوفێری پاسەکانی عێراق کە حەجخوازان و عومرەکاران لە پارێزگاکانی عێراقەوە بە ڕێگای وشکانی دەگوازنەوە سعوودیە، داوایان کردبوو شوێنێکی حەوانەوەیان لەسەر ڕێگای حائل بۆ بکرێتەوە. بەو پێیەی لە دەروازەی سنووریی عەرعەرەوە تاوەکو دەگەنە شاری مەکە، زیاتر لە 15 کاتژمێریان پێدەچێت.

لێدوانی ڕۆژنامەوانی: شێخ سامی مەسعودی، سەرۆکی دەستەی باڵای حەج و عومرە لە کۆنگرەیەکی ڕۆژنامەوانیدا ڕەزامەندی کردنەوەی ئەو شوێنەی بۆ پێشوازیکردن لە حاجییانی عێراق ڕاگەیاند و ئاماژەی بە دابینکردنی ئینتەرنێتی خۆڕاییشی لەنێو پاساکان کرد.

لەلایەکی دیکەوە: شێخ سامی مەسعودی داوای لە شۆفێری پاسەکان کرد پابەندی یاساکانی سعوودیە بن لەو خێراییەی دیاریکراوە، هەڵنەگرتنی شتە قەدەغەکراوەکان و خۆبەدوورگرتن لە هەڵگرتنی کێشی قورس لە جانتا و شتومەک و پابەندبوون بە جێنەهێشتنی پاسەکان لە لای ئوتێلەکانی مانەوەی حاجییان.

زانیاریی زیاتر: بە گوتەی سەرۆکی دەستەی باڵای حەج و عومرە، یەکەم گەشتی حاجییان لە ناوخۆ لە پارێزگاکانی عێراق و هەرێمی کوردستانەوە لە 14ـی ئایار دەستپێدەکات.