بەهۆی خۆڵبارینەوە ڕێنمایی هاووڵاتییان دەکرێت

ئاڤا نیوز

بەهۆی ئەو شەپۆلی خۆڵبارینەی ڕووی لە هەرێمی کوردستان کردووە، حکومەتی هەرێمی کوردستان ڕێنمایی هاوڵاتییان دەکات لە چۆنیەتی خۆپاراستنیان.

چیرۆکی سەرەکی: ماوەی چەند ڕۆژێکە شەپۆلێکی چڕی خۆڵبارین هەرێمی کوردستانی گرتووەتەوە، ژووری ئۆپەراسیۆن بۆ بەڕێوەبردنی قەیران و کارەسات لە حکومەتی هەرێمی کوردستان لە سێ ڕێنمایی جیادا هاوڵاتییان ئاگادار دەکاتەوە.

ڕێنماییەکان:

یەکەم - ڕێنمایی ناوماڵ

٠ دەرگا و پەنجەرەکان دابخە

٠ لە ژوورەوە بمێنەوە

٠ ئاو زۆر بخۆوە

٠ ماسک ببەستە، ئەگەر نیازی چوونە دەرەوەت هەیە

٠ ڕاهێنانی قورس ئەنجام مەدە

٠ ئەگەر تووشی تەنگەنەفەسی و بێتاقەتی بوویت، سەردانی پزیشک بکە

 

دووەم - ڕێنمایی لە کاتی لێخوڕینی ئۆتۆمبێل

٠ لابدە لە ڕێگا

٠ لەناو ئۆتۆمبێل بمێنەوەرە

٠ پەنجەرەکان دابخە

٠ هەوای ناو ئۆتۆمبێل داگیرسێنە

٠ دڵنیا ببەوە لەوەی ئۆتۆمبێلەکەت ناجوڵێت

٠ چواری ئۆتۆمبێلەکەت داگیرسێنە

سێیەم - ڕێنمایی تەندروستی

٠ کاریگەری لەسەر چاو و لووت و قورگ هەیە، هەربۆیە ماسک ببەستە ئەگەر لە دەرەوە بوویت

٠ مەترسیدارە بۆ ئەو کەسانەی ڕەبو یاخود نەخۆشی دڵیان هەیە

٠ مەترسیدارە بۆ منداڵ و بەساڵاچووان و ئافرەتانی دووگیان

٠ ئەگەر هەستت بە تەنگەنەفەسی کرد ڕاستەوخۆ پەیوەندی بە ژمارە 122 بکە