سەرۆکوەزیرانی کەنەدا لە واشنتن لەگەڵ ترەمپ کۆدەبێتەوە

ئاڤا نیوز

 

سەرۆکوەزیرانی کەنەدا لەدوای سەرکەوتنی لە هەڵبژاردنەکاندا، سەڕەڕای گرژییەکانی نێوان هەردوو وڵات بۆ یەکەم جار لەگەڵ دۆناڵد ترەمپ کۆدەبێتەوە.

 

وێنە گەورەکە: بەهۆی پێناسە گومرگییەکان و خواستی ترەمپ بۆ لکاندنی کەنەدا بە ئەمریکاوە، گرژی و ئاڵۆزییەکانی نێوان ئەمریکا و کەنەدا زیادی کرد، دواجار دوای بەڕێوەچوونی هەڵبژاردنەکانی کەنەدا بەسەرکەوتنی پارتی لیبڕاڵەکان کۆتاییهات و سەرۆکی ئەمریکاش پیرۆزبایی سەرکەوتنەکەی کرد و  ئەمڕۆش لە کۆشکی سپی کۆدەبنەوە.

 

زانیاریی بەدەستهاتوو: سەرچاوەیەک لە ئۆفیسی سەرۆکوەزیرانی کەنەدا ڕایگەیاند، ئەمە یەکەم کۆبوونەوەیە لە نێوان هەردوولا ئەو شتانەی کە مامەڵەیان لەگەڵ دەکەن هەوڵی چارەسەرکردنیان دەدەن گەورە و ئاڵۆزن.

 

ئەوەی لەبارەیەوە دەگوترێت: مارک کارنی، سەرۆکوەزیرانی کەنەدا کۆبوونەوە لەگەڵ دۆناڵد ترەمپ، سەرۆکی ئەمریکا دەکات، پێشبینی دەکرێت تاوتوێی ڕێککەوتنێکی نوێی ئابووری و ئەمنی بکرێت، ئەمەش لەکاتێکدایە پێش سەردانەکەی کارنی بۆ واشنتن ئاماژەی بەوە کردبوو.