قوباد تاڵەبانی: باوەڕناکەم لەگەڵ پارتی بە یەک لیست بەشداریی هەڵبژاردن بکەین

ئاڤا نیوز

 

جێگری سەرۆکی حکومەتی هەرێمی کوردستان لە کۆنگرەیەکی ڕۆژنامەنووسی دەڵێت، لە ناوچە کوردستانیەکانی دەرەوەی ئیدارەی هەرێمی کوردستان  باوەڕناکەم لەگەڵ پارتی بەیەک لیست بەشداریی هەڵبژاردن بکەین.

 

لێدوانی فەرمی: قوباد تاڵەبانی، جێگری سەرۆکوەزیرانی هەرێمی کوردستان و سەرۆکی شاندی دانوستاندنکاری یەکێتی بۆ پێکهێنانی حکومەت لە وەڵامی کوردستان حەسەن پەیامنێری دیپلۆماسی ئاڤا لەبارەی بوونەوەی بە جێگری سەرۆکی حکومەت، بە پێکەنینەوە وتی، ئۆهۆۆۆۆۆۆ. سەبارەت بە بەشداری پارتی و یەکێتی بە یەک لیست لە ناوچە کوردستانییەکانی دەرەوەی ئیدارەی هەرێمی کوردستان قوباد تاڵەبانی دەڵێت: نازانم، بڕواناکەم.

 

لە کۆنگرە ڕۆژنامەنووسیەکە قوباد تاڵەبانی ئەمانەشی وت:

- تا ئێستا لەسەر هەناردەکردنەوەی نەوتی هەرێمی کوردستان نەگەیشتووەنەتە ڕێککەوتن.

- ئەوەی دەوترێت لەبارەی ناکۆکی پارتی و یەکێتی لەسەر دابەشکردنی وەزارەتەکان هەمووی ناڕاستە.

- بۆ هەناردەکردنی مووچە چاوەڕێی ڕەزامەندی وەزارەتی دارایی عێراق دەکەین.

- کۆبوونەوەکەی نێوان مەسرور بارزانی و بافڵ تاڵەبانی زۆرباش بووە، زەمینەی باشتری ڕەخساندووە بۆ متمانەی زیاتر و کەشێکی گونجاوتر لەنێوانمان، کاتێک حکومەت پێکهات باشتر بتوانین ئەم هەرێمە بەڕێوە ببەین.

- هۆکار زۆربووە بۆ دواکەوتنی کابینەی نوێی حکومەت، بەڵام یەکێک لە هۆکارەکان جدیەتی هەردوولا بووە لەبارەی ئەوەی حکومەتێک پێکبێت شایستەی خەلكی کوردستان بێت.

- لەگەڵ پارتی لەسەر دیدگایەکی هاوبەش بۆ حکومڕانی ڕێککەوتووین.