ستیڤ ویتکۆڤ: ئەمریکا پێداگرە لە سەر بەدەستنەهێنانی چەکی ئەتۆمی لە لایەن ئێرانەوە

ئاڤا نیوز

نوێنەری تایبەتی سەرۆکی ئەمریکا بۆ کاروباری ڕۆژهەڵاتی ناوەڕاست ڕێگریکردن لە ئێران لە بەدەستهێنانی چەکی ئەتۆم بە ئامانجی سەرەکی ئەمریکا ناوزەند دەکات.

وێنە گەورەکە:  ئێستا ڕۆژهەڵاتی ناوەڕاست بە قۆناغی جەنگ و ناکۆکی گەورە گوزەر دەکات، ستیڤ ویتکۆڤ، کە وەک نێردەی تایبەتی سەرۆکی ئەمریکا لە لایەن دۆناڵد ترەمپەوە دیاریکراوە ئاماژە بە ئامانجە سەرەکیەکانی ئەمریکا لە ڕۆژهەڵاتی ناوەڕاست دەکات و ڕێگریکردن لە هەوڵەکانی ئێران بۆ بەدەستهێنانی چەکی ئەتۆم بە یەکێک لە ئامانجە سەرەکیەکانی ئەمریکا ناوزەند دەکات.

لێدوانی فەرمی: ستیڤ ویتکۆڤ، نێردەی تایبەتی سەرۆکی ئەمریکا بۆ کاروباری ڕۆژهەڵاتی ناوەڕاست سەبارەت بە دۆخی ڕۆژهەڵاتی ناوەڕاست ڕایگەیاند، چارەسەرکردنی جەنگی غەززە و هەوڵەکان بۆ گەیاندنی هاوکاری مرۆیی بە خەڵکی غەززە یەکێکە لە پرسە سەرەکیەکانی ڕۆژهەڵاتی ناوەڕاست، کێشەکانی سووریا و لوبنان پێویستیان بە ڕێگەچارەی بەپەلە هەیە بۆ تەشەنەنەکردنی بارودۆخەکە بەرەو خراپتر و فراوان نەبوونی بەرەی جەنگ لە ناوچەکە.

زانیاریی زیاتر: ستیڤ ویتکۆڤ، نێردەی تایبەتی سەرۆکی ئەمریکا بۆ کاروباری ڕۆژهەڵاتی ناوەڕاست سەبارەت بە گفتووگۆ و دانوستاندنەکانی نێوان واشنتن و تاران گوتی: دانوستاندنەکان بەردەوام دەبێت و ئەمریکا پێداگرە لەسەر ڕاگرتنی هەوڵەکانی ئێران بۆ بەدەستهێنانی چەکی ئوتۆم و نابێت ئێران ببێت بە خاوەنی چەکی ئەتۆم.