لە سلێمانی هەڵمەتی هۆشیاری بۆ ڕێگریکردن لە بڵاوبوونەوەی تای خوێنبەربوون بەڕێوەدەچێت

ئاڤا نیوز

ڕێگرییەکان بۆ بڵاوبوونەوەی نەخۆشیی تای خوێنبەربوون بەردەوامە و هەڵمەتی هۆشیاری و چاودێریکردنی بازار لە ناوچە جیاوازەکاندا هەیە.

چیرۆکی سەرەکی: وەزارەتی تەندروستی چەند ڕێنماییەکی پێویستی بۆ پاراستنی هاووڵاتییان لە نەخۆشیی تای خوێنبەربوون بڵاوکردووەتەوە، لیژنە تایبەتەکانیس بەردەوام چاودێری بازار و شوێنی فرۆشتنی ئاژەڵ و گۆشتفرۆشەکان دەکەن، تاوەکو ڕێگریی لە بڵاوبوونەوەی نەخۆشییەکە بکرێت.

لێدوانی فەرمی: د. ڕزگار عەلی، بەڕێوەبەی خۆپاراستنی تەندروستی سلێمانی بە ئاڤای ڕاگەیاند: لەگەڵ بەرێوەبەرایەتیی ڤێتێرنەری دەستمان بە هەڵمەتی هۆشیاری تەندروستی بۆ بڵاوبونەوەی نەخۆشی تای خوێنبەربوون کردووە، لەڕێگەی سێ تیمی جیاواز کار بۆ ڕێگریکردن لە بڵاوبوونەوەی نەخۆشیییەکە دەکەین.

زانیاریی زیاتر: بەگوتەی د. ڕزگار عەلی، تیمەکانی ڤێتێرنەری لە سەرجەم گەوەڕی ئاژەڵاندا پرۆسەی ڕشاندن ئەنجام دەدەن، لیژنەکانی خۆپاراستن چاودێریی  گۆشتفرۆشەکان دەکەن، هەر گۆشتێک مۆری لەسەر نەبێت، دەستی بەسەردا دەگیرێت و گۆشتفرۆشەکەش دەدرێتە دادگا. لە نەخۆشخانەکان شوێنی تایبەت بۆ ئەو کەسانە دانراوە کە گومانی تووشبوونیان بە تای خوێنبەربوون لێ دەکرێت.