گواستنەوەی عێراق: ڕۆژانە پێنج بۆ شەش گەشتی حەجخوازان ڕێکدەخرێت

ئاڤا نیوز

ڕۆژانە پێنج بۆ شەش گەشتی حەجخوازان لە سەرجەم فڕۆکەخانەکانی عێراقەوە بەرەو سعوودییە ڕێکدەخرێت و بۆ ئەو مەبەستەش وەزارەتی گواستنەوەی عێراق ئامادەکاری تەواوی کردووە.

چیرۆکی سەرەکی: ساڵانە لە وەرزی حەجکردن، لەسەر ئاستی جیهان بە سەدان هەزار کەس بە مەبەستی بەجێگەیاندنی فەریزەی حەج ڕوو لە سعوودییە دەکەن. 

لێدوانی فەرمی: مەیثەم سافی، بەڕێوەبەری ڕاگەیاندن و پەیوەندییەکان لە وەزارەتی گواستنەوەی عێراق، ڕایگەیاند: هەموو ئامادەکارییەکان بۆ گەشتی حەجخوازان لە سەرجەم فڕۆکەخانەکانی عێراقەوە بەرەو سعودییە تەواو بووە و  بۆ ئەو مەبەستەش وەزارەتی گواستنەوەی عێراق لە 13-5-2025 تاوەکو 20-5-2025 ڕۆژانە پێنج بۆ شەش گەشت ڕێکدەخات.

سافی ئاماژەی بەوەشکرد، ئێوارەی پێنجشەممە 8-5-2025 یەکەم گەشتی هێڵی ئاسمانی عێراقی بۆ گواستنەوەی حەجخوازان لەفرۆکەخانەی بەغداوە بەرەو سعوودییە بەڕێکەوت.