ستیڤ ویتکۆف: ئێران بە مەرجەکانمان ڕازییە

ئاڤا نیوز

نوێنەری تایبەتی ترەمپ بۆ ڕۆژهەڵاتی ناوەڕاست گفتوگۆکانی لەگەڵ ئێران ئاشکرا دەکات و دەڵێت، حکومەتی ئێران پێیان وتووە چەکی ئەتۆمییان ناوێت.

چیرۆکی سەرەکی: ویتکۆف سەرۆکایەتی شاندی ئەمریکا دەکات بۆ گفتوگۆکردن لەگەل ئێران کە بڕیارە گەڕی چوارەمینی دانوستانەکانیان لە عومان بەڕێوەبچێت.

لێدوانی فەرمی: ستیڤ ویتکۆف، نوێنەری تایبەتی ترەمپ بۆ ڕۆژهەڵاتی ناوەڕاست ڕایگەیاند:

٠ ئێمە هەڵوێستی خۆمان بە ئێران ڕاگەیاندووە و پێمان وتوون ناتوانن بۆمبیان هەبێت، لەبەرامبەریشدا ئەوان ڕایانگەیاندووە کە بۆمبی ئەتۆمیان ناوێت.

٠ ئەگەر گفتوگۆکانی یەکشەممەی داهاتوو لەگەڵ ئێران بەرهەمدار نەبن، بەردەوام نابین و ڕێگایەکی تر دەگرینەبەر.

٠ دەبێت ئێران بەرنامە ئەتۆمییەکەی بۆ مەبەستی مەدەنی و بەرهەمهێنانی وزە بێت نەک چەکی ئەتۆمی و بۆ ئەو مەبەستەش ئێران کێڵگەی بوشەهری پێویستە.

٠ پیتاندنی یۆرانیۆم لەلایەن ئێرانەوە هێڵی سوورە لەلامان و هەرگیز ئێران ناتوانێت ببێتە خاوەنی.

٠ ئێران هیچ بژاردەیەکی دیکەی لەبەردەمدا نییە جگە لە قبووڵکردنی مەرجەکانی ئەمریکا.

زانیاریی زیاتر: بەرپرسێکی ئەمریکا ئەوەی بۆ ئاڤا ئاشکراکرد، ڕۆژی یەکشەممە دانوستانەکانی واشنتن و تاران لە عومان دەستپێدەکاتەوە.