لە تێپەڕبوونی گەشتە نێودەوڵەتییەکاندا ئاسمانی عێراق ژمارەیەکی پێوانەیی تۆماردەکات

ئاڤا نیوز

ئەمڕۆ شەممە لە ژمارەیەکی پێوانەیی و بێ پێشینەدا، 700 گەشتی ئاسمانی فڕۆکە و هێڵە نێودەوڵەتییەکانی جیهان، ئاسمانی عێراقیان بۆ گەشتەکانیان بەکارهێناوە.

ئەوەی پێویستە بیزانیت: بەهۆی گرژییەکانی نێوان هیندستان و پاکستان، هێڵە گەشتیارییەکانی جیهان ناچاربوون بۆ گەشتەکانیان ئاسمانی وڵاتانی دیکە بەکاربهێنن، بەوهۆیەش ئاسمانی عێراق پێشوازیی لە ژمارەیەکی پێوانەیی گەشتی ئاسمانیی کردووە.

ڕاگەیێنراوی فەرمی: وەزارەتی گواستنەوەی عێراق بڵاویکردەوە، ئەمڕۆ تۆمارکردنێکی پێوانەیی و بێ پێشینە لە ژمارەی ئەو گەشتە ئاسمانییانەی بەسەر ئاسمانی عێراقدا تێپەڕین، تۆمارکرا و گەیشتە 700 گەشتی ئاسمانی.

بەشێکی دیکە لە ڕاگەیێنراوەکەی وەزارەتی گواستنەوەی عێراق:

- ئەم ژمارەیە بەرئەنجامی هەوڵ و کارنامەی حکومەت بووە بۆ بەهێزکردنی توانای کارکردن و پتەوکردنی پێگەی جیۆسیاسی عێراق، بەهۆی ئەوەی خاڵی پێکەوەبەستنی کێشوەرەکانە.

- تێکڕای ڕۆژانەی گەشتەکان لە ئاسمانی عێراق، سەرەتا 300 بۆ 350 گەشت بوو، دواتر بۆ 550 و 600 گەشت بەرزبووەوە، ئەمڕۆش گەیشتە 700 گەشت کە ئاماژەیەکی ڕوونە بۆ زیادبوونی متمانەی نێودەوڵەتی بە ئاسمانی عێراق.

- ژمارەیەک لە هێڵە ئاسمانییەکانی ئەوروپا و لەوانەش هێڵی ئاسمانی فەرەنسی، ئاسمانی عێراقییان کردووەتە دەروازەی سەرەکی گەشتەکانیان.

- "وەزارەتەکەمان لە گەشەپێدانی خزمەتگوزارییەکان و بەتایبەت چاکسازیی لە سیستمی بەرزبوونەوە و نیشتنەوەی گەشتەکان لە فڕۆکەخانەکان بەردەوام دەبێت، تا گەورە کۆمپانیاکانی بواری گەشتەکان متمانەی زیاتر بە ئاسمانی عێراق بکەن و بۆ گەشتەکانیان بەکاریبهێنن.