پووتین پێشنیازی دانوستاندنی ڕاستەوخۆ لەگەڵ ئۆکراینا دەکات

ئاڤا نیوز

 

دوای سێ ساڵ شەڕ، ڤلادیمێر پووتین، سەرۆکی ڕووسیا پێشنیاز دەکات لە 15ی ئایاردا گفتوگۆی ڕاستەوخۆ لەگەڵ ئۆکراینا بکرێت کە بڕیارە لە ئیستەنبووڵ بەڕێوەبچێت.

 

لێدوانی فەرمی: ڤلادیمێر پووتین، سەرۆکی ڕووسیا ئامادەیی وڵاتەکەی بۆ دانوستاندنی ڕاستەوخۆ لەگەڵ ئۆکراینا نیشاندا و گوتی، مۆسکۆ هەمیشە ئامادەیی بۆ دانوستاندن دەبڕیووە، پێویستە گفتۆگۆیەکان لەگەڵ ئۆکراینا جددی بێت و ئەم دانوستاندنەش ئاشتی بەدوای خۆیدا دەهێنێت.

 

ئەوەی پێویستە بیزانیت: تورکیا پێشتر لە دانوستاندنەکانی ڕابردوودا وەک نێوەندگیرێک لە نێوان هەردوو وڵات  ڕۆڵی هەبووە، بەتایبەتی سەبارەت بە ڕێککەوتنی هەناردەکردنی دانەوێڵەی دەریای ڕەش.

 

زانیاریی زیاتر: لەبارەی ئەمەوە پووتین دەڵێت، پەیوەندیی بە ڕەجەب تەیب ئەردۆغان، سەرۆککۆماری تورکیا دەکات بۆ ئەوەی هەماهەنگی بکەن.

 

چی ڕوودەدات: ئەم لێدوانەی پووتین لە کاتێکدایە، ڕۆژی شەممە سەرکردەکانی ئەوروپا داوایان لە مۆسکۆ کرد ڕازی بێت لەسەر ئاگربەست بۆ ماوەی 30 ڕۆژ.