کۆبوونەوەی ئەنجوومەنی وەزیرانی عێراق پێش دەخرێت

ئاڤا نیوز

 

ئەنجوومەنی وەزیرانی عێراق کۆبوونەوەی ئاسایی هەفتانەی خۆی دوو ڕۆژ پێش دەخات، ئەمەش چاوەڕوان دەکرێت بەهۆی ئامادەکاری  بێت بۆ بەڕێوەچوونی لووتکەی عەرەبی لە بەغدا. 

 

چیرۆکی سەرەکی: ڕۆژانی سێشەممە ئەنجوومەنی وەزیرانی عێراق کۆبوونەوەی ئاسایی خۆی ڕێکدەخات، بەڵام ئەمڕۆ یەکشەممە بەهۆی نزیکبوونەوە لە بەڕێوەچوونی لووتکەی عەرەبی لە بەغدا کۆبوونەوەی خۆی ئەنجامدا، چاوەڕان دەکرێت تەوەری سەرەکی کۆبوونەوەکەش تاوتوێکردنی ئامادەکارییەکان بێت بۆ ئەو پرسە.
 

ڕاگەیێنراوی فەرمی: نووسینگەی ڕاگەیاندنی سەرۆکی ئەنجوومەنی وەزیران ڕایگەیاند: ئەنجوومەنی وەزیران بە سەرۆکایەتیی محەممەد شیاع سوودانی، سەرۆکوەزیران کۆبوونەوەی ئاسایی خۆی ئەنجامدا.

هۆکارە زانراوەکان: ڕۆژانی 12 و 13 و 14ی بەرپرسانی وڵاتانی عەرەبی کۆبوونەوەکانیان دەستپێدەکەن، هاوکات لە 15ی مانگیش کۆبوونەوەی وەزیرانی دەرەوەی دەستپیدەکات و لە 17ی هەمان مانگ لووتکەکە بەڕێوەدەچێت.

 

ئەوەی پێشبینی دەکرێت: لە کۆبوونەوەکەی ئەنجوومەنی وەزیرانی عێراق پێشبینی دەکرێت بڕیار لە خەرجکردنی مووچەی فەرمانبەرانی کوردستان بدرێت.