پاپا لیۆ لە یەکەم بانگەوازیدا داوای ئاشتی بۆ غەززە و ئۆکراینا دەکات

ئاڤا نیوز

 

پاپای نوێی ڤاتیکان لە یەکەم لێدوان و بانگەوازیدا، داوا دەکات ئاشتی بۆ غەززە و ئۆکراینا بگەڕێتەوە.

 

وێنە گەورەکە: دوای کۆچی دوایی پاپا فرانسیس پاپای ڤاتیکان، ڕۆبێرت فرانسیس پرێڤۆست، ناسراو بە 'لیۆی چواردەیەم' لە 8-5-2025 وەک پاپای ڤاتیکان هەڵبژێردرا، ئەمڕۆ یەکەم وتاری خۆی لەدوای هەڵبژاردنی وەک پاپا پێشکەش کرد.

 

لێدوانی فەرمی: ڕۆبێرت فرانسیس پرێڤۆست 'لیۆی چواردەیەم' ڕایگەیاند، داوا لە سەرکردەکانی جیهان دەکەم ئاشتی لە جیهان و غەززە بەرقەرار بکرێت و هەموو بارمتەکان ئازاد بکرێن، هاوکات لەلایەکی دیکەوە داوای ئاشتی و سەقامگیرییەکی هەمیشەیی بۆ ئۆکراینا دەکات.

 

باکگراوند: دوای هەڵبژاردنی وەک پاپای نوێ، پاپا لیۆی چواردەیەم لە 18ـی ئەم مانگە بە فەرمی وەک پاپا دادەنرێت، یەکەم مەراسیمی سوێندخواردنی وەک پاپا لە گۆڕەپانی سانت پیتەر ڕێکدەخرێت و سەرکردەی وڵاتان بەشداری تێدا دەکەن.

 

ئەمەش بزانە: ڕۆبێرت فرانسیس پریڤۆست، کاردیناڵی ئەمریکی وەک پاپای نوێی کەنیسەی کاسۆلیکی هەڵبژێردرا، بەمەش یەکەمین هاووڵاتی ئەمریکییە کە ئەو پۆستە لە ڤاتیکان وەربگرێت.