نێردەی ترەمپ یاسایەکی پرۆتۆکۆل دەشكێنێت

ئاڤا نیوز

ستیڤ ویتکۆف، نێردەی تایبەتی دۆناڵد ترەمپ، سەرۆکی ئەمریکا، کاتێک لەگەڵ سەرۆکی ڕووسیا کۆبوویەوە، وەرگێڕی تایبەتی خۆی بەکارنەهێناوە لەبری ئەوە پشتی بە وەرگێری ڕووسی لەکۆشكی کرێملینەوە بەستووە.

زانیاریی بەدەستهاتوو: بەپێی وتەی بەرپرسێکی ئەمریکی و دوو سەرچاوەی ئاگادار لە بابەتەکە، لە سێ کۆبوونەوەی ئاست بەرزدا لەگەڵ ڤلادیمێر پووتین، سەرۆکی ڕووسیا ستیڤ ویکتۆف، نێردەی ترەمپ وەرگێڕی تایبەتی بەکارنەهێناوە،  خۆشی زمانی ڕووسی نازانێت، لەبری ئەوە پشتی بە وەرگێڕانی ڕووسی لە کرێملینەوە بەستووە.

ئەوەی لەبارەیەوە دەگوترێت: مایکل مەکفۆڵ، باڵیۆزی پێشووی ئەمریکا لە ڕووسیا دەڵێت، بەکارهێنانی وەرگێڕی کرێملین بیرۆکەیەکی زۆر خراپ بووە.

کاریگەری و لێکەوتەکان: هەندێک لە سەرچاوەکان دەڵێن، لەوانەیە بەهۆی ئەمەوە ویکتۆف بە تەواوی سەرنجی لەسەر هەندێک وردەکاری وردی پەیامەکانی پووتین لەدەستدابێت.

لەلایەکی دیکەوە: سەرچاوەیەک لە کۆشکی سپی وەڵامی ئەم دەنگۆیانەی دایەوە و ڕایگەیاند، ویتکۆف "بە هەماهەنگی لەگەڵ وەزارەتی دەرەوە پابەندە بە هەموو پرۆتۆکۆڵە ئەمنییەکانەوە".