وه‌زیری ده‌ره‌وه‌ی توركیا و به‌ره‌ی توركمانی گفتوگۆ لەبارەی پۆستی پارێزگاری کەرکووک دەکەن

ئاڤا نیوز

 

وەزیری دەرەوەی تورکیا لە میانی سەردانەکەی بۆ عێراق، لەگەڵ سەرۆکی بەرەی تورکمانی عێراق کۆدەبێتەوە و گفتوگۆ لەبارەی پۆستی پارێزگاری کەرکووک دەکەن.

 

چیرۆکی سەرەکی: ڕۆژی پێنجشەممە 14-03-2024 هاکان فیدان، وەزیری دەرەوەی تورکیا لە بەغدا لەگەڵ حه‌سه‌ن تۆران، سه‌رۆكی به‌ره‌ی توركمانی عێراق و ئه‌رشه‌د ساڵحی، سه‌رۆكی فراكسیۆنی بەرەی توركمانی له‌ په‌رله‌مانی عێراق کۆبوونەوە. 

 

لێدوانی فەرمی: قەحتان وەنداوی، بەرپرسی لقی کەرکووکی بەرەی تورکمانی عێراق تایبەت بە ئاڤا نیوزی ڕاگەیاند: لە دیداره‌كه باس لە دۆخی سیاسی و ئه‌منیی سنوورەکان، پێکهاتەی توركمان و هه‌وڵه‌ به‌رده‌وامه‌كان بۆ پارێزگاریكردن له‌ مافی پێكهاته‌كه‌مان لە پارێزگای کەرکووک کراوە.

 

بابەتی ستراتیژی: ئەو بەرپرسەی بەرەی تورکمانی ئاشکرای کرد کە لە کۆبوونەوەکە پێشنیازیان کردووە پۆستی پارێزگاری کەرکووک به‌ نۆره‌ و هاوبەشی بێت لەنێوان سەرجەم پێکهاتەکانی شارەکە.

 

بۆچی گرنگە: توركیا به‌هۆی بوونی پێكهاته‌ی توركمانه‌وه‌ بایه‌خ بۆ چۆنیه‌تی ئیداره‌دانی كه‌ركووک ده‌دات و ڕەوشی پارێزگاکەی به‌لاوە گرنگه‌.

 

ئەوەی پێویستە بیزانیت: دوای سێ مانگ لە هه‌ڵبژاردنی ئه‌نجوومه‌نی پارێزگاکان، تاوەکو ئێستا له‌ كه‌ركووک پۆستی پارێزگار له‌نێوان (كورد، عه‌ره‌ب و توركمان) یه‌كلانه‌كراوه‌ته‌وه‌.