زێلێنسکی: ئامادەم بە ڕاستەوخۆ گفتوگۆ لەگەڵ پووتین بکەم

ئاڤا نیوز

ڤلادیمێر زێلێنسکی، سەرۆکی ئۆکراینا لە پەیوەندییەکی تەلەفۆنیدا لەگەڵ ڕەجەب تەیب ئەردۆغان، سەرۆککۆماری تورکیا جەختیان لە درێژەدان بە هەوڵە هاوبەشەکان بۆ دەستەبەرکردنی ئاشتی کردەوە. زێلێنسکی ڕایگەیاند، "ئامادەم بە ڕاستەوخۆ گفتوگۆ لەگەڵ پووتین بکەم".

وێنە گەورە: بڕیارە ڕۆژی پێنجشەممە 15-5-2025، ڕووسیا و ئۆکراینا لەسەر ئاستی باڵا کۆببنەوە بۆ گفتوگۆکردن لەسەر چۆنێتی ڕاگرتنی کوشتار لە بەرەکانی جەنگی نێوانیاندا.

لێدوانی فەرمی: ڤلادیمێر زێلێنسکی، سەرۆکی ئۆکراینا ڕایگەیاند، "بۆ گفتوگۆکردن لەسەر وردەکارییە سەرەکییەکانی کۆبوونەوەکەمان لەگەڵ ڕووسیا لە تورکیا کە دەتوانێت بۆ کۆتاییهێنان بە شەڕ یارمەتیدەر بێت، سوپاسی پشتگیری و ئامادەبوونی تورکیا دەکەین کە ئاسانکاری بۆ کۆبوونەوەکە کردووە و لەگەڵ ئەردۆغان  تێڕوانینمان لەسەر پێویستی ئاگربەست ئاڵوگۆڕکرد و ڕێککەوتین لەسەر درێژەدان بە هەوڵە هاوبەشەکانمان بۆ دەستەبەرکردنی ئاشتی".

- "زۆرگرنگە هاوبەشەکانمان چاودێری ئاگربەستەکە بکەن، ئامادەین بۆ ئەوەی بە ڕاستەوخۆ گفتوگۆ لەگەڵ پوتین بکەین".

 - "زۆر گرنگە ئێمە لە ئەوروپا بەیەکەوە بەردەوام بین لە کارکردن بۆ دەستەبەرکردنی گەرەنتیکردنی ئاسایشی درێژخایەن و لە پەیوەندیمان لەگەڵ ئەمریکا بەردەوام دەبین. بەردەوام لەگەڵ ئەمریکادا دەمێنینەوە.