خشتەی مووچەی مانگی چوار بڵاوکرایەوە

بزنس
13 ئایار

شەیری بکە لە:

ئاڤا نیوز

وەزارەتی دارایی و ئابووری هەرێمی کوردستان خشتەی مووچەی مانگی چواری بڵاوکردەوە و بەگوێرەی خشتەکە لە ماوەی سێ ڕۆژدا سەرجەم مووچەخۆران مووچە وەردەگرن.

وێنە گەورەکە: ئەمڕۆ سێشەممە ڕێککەوتنی 13ـی 5ـی 2025، وەزارەتی دارایی فیدراڵ بڕی 959 ملیار دیناری بۆ مووچەی مانگی چواری مووچەخۆرانی هەرێمی کوردستان خستە سەر هەژماری وەزارەتی دارایی و ئابووریی کوردستان. دواتر لە چوارچێوەی ڕێکارەکانی دابەشکردنی مووچە، وەزارەتی دارایی کوردستان خشتەی مووچەی بڵاوکردەوە.

ڕاگەیێنراوی فەرمی: وەزارەتی دارایی و ئابووری هەرێمی کوردستان ڕایگەیاند، سبەی چوارشەممە ڕێککەوتی 14ـی 5ـی 2025 دەست بەدابەشکردنی مووچەی مانگی چوار دەکرێت و ڕۆژی یەکشەممە 18ـی 5ـی 2025 کۆتایی بەدابەشکردنی مووچە دێت.

ئەوەی پێویستە بیزانیت: بەگوێرەی خشتەی مووچەی وەزارەتی دارایی، سبەی چوارشەممە، خانەنشینی سەربازی، خاوەنپێداویستی تایبەت، زیندانییە سیاسییەکان و بەرکەوتوانی چەکی کیمیایی، کەسوکاری شەهیدان و ئەفالکراوان مووچە وەردەگرن.

لەلایەکی دیکە: بەپێی ڕاگەیێنراوی تیمی هەژماری من، سبەی چوارشەممە، 14-5-2025، مووچەی فەرمانبەرانی وەزارەتەكانی خوێندنی باڵا و توێژینەوەی زانستی، پەروەردە و تەندروستی دابەش دەكرێت، ئەوانەی كە مانگانە لە ڕێگەی هەژماری منەوە مووچە وەردەگرن.